Mbimbi 4:2 - Livulu lya Shukulu Kalunga

² Vakwenje va Siyone vapwile va seo yakama kuli yetu ngwe ngolinde, oloni ololo valinakuvapangesa ngwe vindeo vyangoco vya vuma.

Mbimbi 4:2 Iomraidhean Croise

Isaya 30:14

Mukatsa ngwe mwikatsi ndeo ya vuma, nakujeneka kuwanao citambi cakulawila manungu a tuhya, nambe cakutekwisa mema mu lisima.”

Isaya 51:18

Kukwesi akamitwamenena lalo wai, naumo wai akati ka vanu vove akakukwata ku livoko.

Njelemiya 19:1

Shukulu Kalunga wanjilekele ngwendi, “Njelemiya, ya ukalande njava ya vuma kuli muka-kushonga. Co lalo ya amolika na vakulunu vamo, na vakulunu vamo vakama va vaka-kukombelela,

Njelemiya 19:11

nakuvaleka ngwange Shukulu Kalunga Muka-nzili yoshe nendeka ngwendi, “Njikatsiya vanu ava na nganda eyi, ngwe munu atsiya njava ya vuma ije kuvasa kuyimunga-munga lalo. Vanu vakatsinda vivimbi vyavo mu Tofete, omwo kukwesi kweka lalo kwakuvatsindila.

Njelemiya 22:28

Njendekele ngwange, “Kuma Mwene Yehoyakine napu ngwe njava ya kutsa ije ivanombila kuti, ije naumo wai aishaka ndi? Kuma mukemwo vana vendi vanavatwala ku vunzinda ku lifuti lije kuvazivukile mulyafwa?”

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Mbimbi 5:12

Vantwama vetu vanavatwala mukuvashukika, co tukulukazi vetu kuvesi nakuvasingimika.

Hoziya 8:8

Isalele vanemuka ngwe miyati yeka kuvesi na seo ngwe ndeo ya vuma ya kutsa.

Zakaliya 9:13

Njikapangesa Yunda kupwa vuta vwange vwa lusipa, co Isalele njikavapwisa mikili yange. Njikapangesa vanalume va ku Siyone kupwa mukwale, mukulwisa vanalume va ku Ngelese.”

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

2 Timateo 2:20

Mu njuvo yakama mwakala vimbasiya na malonga a miyati yoshe, vimo vavipanga na siliva na ngolinde, vikwavo na viti na vuma, vimo vyakupangesa ku vutumbe vwavuvwa, vikwavo vyakupangesa a simbu yoshe-iyoshe.