Mbimbi 4:16 - Livulu lya Shukulu Kalunga

¹⁶ Shukulu Kalunga kombileko mbunge lalo kuli vakevo, ikeye vavenya wavashandwele. Kasingimikile nameme vaka-kukombelela vetu, nambe vantwama vetu.

Mbimbi 4:16 Iomraidhean Croise

Kushangumuka 49:7

Cisingo cikale a vukalu vwavo, omwo vunapu vwakukomokesa manene, cisingo cikale a vukalu vwavo, omwo vunapu vwa muuka. Njikavaangunwina mu lifuti lyoshe lya Yakomba, nakuvashandwela akati ka vanu vaIsalele.

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Myaso 106:27

nakushandwela lalo vatekulwila vavo akati ka vaka-kujeneka kukulaela, nakutsila mu lifuti lya vungenzi.

Myaso 106:44

Oloni Shukulu Kalunga wavazivile omo vatambekele, co wamwene tuyando twavo.

Isaya 24:2

Cikafwa mumolika ku voshe, ku vaka-kukombelela na vanu vangoco, vindungo na vashukulu vavo, vaka-kulanda nakulandulula, na vaka-kukumwisa, na vaka-kukumuna, vaka-kufuka na tuutu.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 15:4

Mukapwa vunyengwe ku vanu voshe va a kaye, omwo a vyuma vyavivi manene vije vyalingile Manase muna Hezekiya mu Yelusalema, omwo wapwile mwene wa mu Yunda.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 52:24

Co Nevuzalandane, muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama na vamyata vatatu va vulemu va mu Njuvo ya Shukulu Kalunga.

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Mbimbi 2:6

Wapujwile Njuvo yendi vimbazuvwila-mbazuvwila muje twakele nakumulemesela. Ikeye namanesa matangwa akujela na Matangwa Akuhwima. Mu vukalu vwendi vwakama wavyanene mwene, na muka-kukombelela.

Mbimbi 5:12

Vantwama vetu vanavatwala mukuvashukika, co tukulukazi vetu kuvesi nakuvasingimika.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 32:26

Njayongwele kuvanyongesa voshe njwa, ngeci kesi kukakale umo lalo akavanuke.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.