Mbimbi 3:37 - Livulu lya Shukulu Kalunga

³⁷ Naumo wai asa kulinga cuma cimo kwakujeneka cizango ca Shukulu Kalunga.

Mbimbi 3:37 Iomraidhean Croise

2 Samwele 16:10

Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

1 Vimyene 22:34

Nameme ngoco, akuvezika, lishwalale umo wa vaSilya washele mukili wendi, co wakwatele Mwene Ahave mukati ka mutongo wa vuzalo vwendi vwa nzita. Co Ahave walekele muka-kwendesa litemba lyendi ngwendi, “Njinavetwa! Tenguluka nakutundisa litemba mu nzita!”

2 Vimyene 6:33

Omo kanda acimanese kwendeka evi, co katumwa ka mwene wetele, wendekele ngwendi, “Shukulu Kalunga ikeye nanene vukalu vwoshe ovu ali yetu! Vikajo njimuvandamena ngeci atukwase?”

Yombi 10:13

Oloni ololo njazivuka ngeci visimbu vyoshe vije wakele na vutumbe vwa mu vushweke vwakunjivulumuna.

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Kutuuka 10:10

Mwene wendekele ngwendi, “Njilisinga ali Shukulu Kalunga ngeci kumukai na vanakazi veni na vana veni! Mwa vushunga casholoka ngeci yeni muli na munga yakutulwisa.

Visimo 16:9

Wasa kutumba matumbe ove, oloni Njambi ikeye atwamenena vilinga vyove.

Visimo 19:21

Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Loma 9:15

Omwo wendekele kuli Mosesa ngwendi, “Njikatetela woshe uje injishaka kutetela, co njikazivila mema ku mbunge woshe uje injishaka kuzivila mema ku mbunge.”

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.