Mbimbi 3:25 - Livulu lya Shukulu Kalunga

²⁵ Shukulu Kalunga wapwa wamuvwa kuli voshe vaje vamukulaela,

Mbimbi 3:25 Iomraidhean Croise

Kushangumuka 49:18

“Njavandamena kwamena kwove, yove Shukulu Kalunga.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

2 Mizimbu 30:19

“Yove Shukulu Kalunga, Njambi ya vakukulwila vetu, vasambese vaje valinakukulemesa na vimbunge vyavo vyoshe, nameme kuvajelele.”

2 Mizimbu 31:21

Vipangi vyoshe vyapangele vya ku Njuvo ya Shukulu Kalunga na vije vyalingile ngwe ku Mashiko na vizilika, mukushaka Njambi yendi, wavilingile na mbunge yendi yoshe, co wavezikile.

Ezela 8:22

Njakele na shwamwa yakulomba kuli mwene mbunga ya mashwalale ngeci vatunyunge ku vitozi mu vungenzi vwetu, omwo njamulekele ngwange Njambi yetu avezikisa munu woshe uje amukulaela, oloni akaluvala nakuhisa munu woshe uje amukengesa nima.

Myaso 105:3

Vwaeleleni mu lizina lyendi lyakujela, vimbunge vya vaje vashakezeka Shukulu Kalunga vijolele.

Myaso 119:2

Vanavezika vanu vaje vanyunga vizilika vya Shukulu Kalunga, nakumwononoka na vimbunge vyavo vyoshe.

Myaso 22:26

Tuutu vakalya nakukuta, voshe vaje vaija kuli Shukulu Kalunga vakamushangazala, vapwe vakuvezika ku myaka yoshe.

Myaso 25:8

Omwo Shukulu Kalunga wapwa wa vushunga na vuvwa, akalongesa vaka-vuvi ngila ivanapande kwendelamo.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 27:8

Omo wendekele ngwove, “Ija unjilemese,” co njakumbulwile ngwange, “Njiija, Shukulu Kalunga,

Myaso 37:34

Aka cinyangavili cove muli Shukulu Kalunga ononoka mashiko endi, akakusingimika nakukwana lifuti, co ukamona vaka-vuvi vavashekamo.

Myaso 37:7

Simpa nakuvandamena Shukulu Kalunga ngeci apange, kesi ushote mbunge ali vaje vanafuku, nambe vaje valinakuya kulutwe a matumbe avo a vuvi.

Myaso 39:7

Ngecivene, Shukulu Kalunga vikajo vinjikengelela? Njaka cinyangavili cange muli yove.

Myaso 61:1

Ziva mutambi wange yove Njambi, co kumbulula lilombelo lyange!

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Myaso 69:32

Omwo vaka-kuyanda vakamona vyuma evi, co vakavwaelela, vaje valemesa Njambi vakavatakamesa.

Myaso 71:14

Cinyangavili cange simbu yoshe cakala muli yove, co simbu yoshe njikakushangazala.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Isaya 55:6

Tengulukileni kuli Shukulu Kalunga nakulombela kuli ikeye omo acili muyehi.

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Mbimbi 3:26

ngecivene, cinapu cacivwa kuli yetu kumuvandamena nakusimpa ngeci atwamene.

Hoziya 10:12

Njendekele ngwange, ‘Limeni kwoloka, nakukuna vushunga, co mukateja vivezikiso vije vikasholoka akulikundika kweni kuli yange. Simbu yeni yakwiluka kuli yange Kalunga keni inete, co njikaija nakumivezikisa!’

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

Yakomba 5:7

Ngecivene, pweni vaka-kusimpa, vasamba vange, noo Mwene akaija. Kengeni kusimpa kwa ndimi omo avandamena lihya lyendi limene vimbuto vyavivwa. Akavandamena noo na ku nyangao na ku simbu ya ndombo.