Mbimbi 3:22 - Livulu lya Shukulu Kalunga

²² Cizemo ca Shukulu Kalunga cije kucesi kutenguluka na mema ku mbunge yendi, kuvyesi kuhwa embwe,

Mbimbi 3:22 Iomraidhean Croise

2 Samwele 24:14

Ndaviti wakumbulwile ngwendi, “Njili mu vukalu! Oloni mwamuvwa tuwile mu livoko lya Shukulu Kalunga, omwo ikeye muka-mema ku mbunge, oloni kesi tuwile mu livoko lya munu embwe.”

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Myaso 103:10

Ikeye kesi kutuhisa ngwe ku vuvi vwetu embwe, nambe kutwilwisila vuvi vwetu ngwe ku milonga yetu.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 69:17

Kesi unjikengese nima, yange nji ngamba yove, njili mu kayando, njikumbulule vwasi.

Myaso 77:8

Kuma cizemo cendi cije kucesi kutenguluka cinahu ndi? Kuma vikulaeso vyendi vinahu ku myaka yoshe ndi?

Myaso 78:38

Oloni Njambi wapwile muka-mema ku mbunge ku vanu vendi, wavasambesele kukuvulumuna kwavo, co kavanyongesele embwe. Visimbu vyoshe watutumwisile ku vukalu vwendi, co kavumwesele embwe.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.