Mbimbi 2:4 - Livulu lya Shukulu Kalunga

⁴ Wananele mikili yendi ali yetu ngwe citozi, ikeye watsiile voshe vaje twavwaelelele nakujolela navo. Twazivile vukalu vwendi ngwe tuhya muno mu Yelusalema.

Mbimbi 2:4 Iomraidhean Croise

2 Mizimbu 34:21

“Yeni mukanjihwileko kuli Shukulu Kalunga nakwihwilako vanu ava vanasala mu Isalele na mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

2 Mizimbu 34:25

Vakevo vananjivyana, co vanakombelela vin̄ombelo ku vinjambi veka, vanashangumuna vukalu vwange a vyuma vivanalingi. Vukalu vwange vunakatuka kulwisa Yelusalema, co kunjikavututumwisa embwe.

Yombi 19:11

Njambi naluvala nakunjilwisa, alinakunjipangesa manene ngwe nji citozi cendi.

Yombi 6:4

Njambi Muka-nzili yoshe nanjasha mikili, ngeci vulembe vwayo vunajalakana mu muvila wange. Vyakujujwisa vya Njambi vilinakunjilwisa.

Myaso 37:14

Vaka-vuvi vashomona mikwale yavo, co vanana mata avo a lusipa, nakutsiya kautu na muka-kujeneka, nakutsiya vaje valinga vyavivwa,

Myaso 7:13

nakuvwaesela cimweja nakunana mikili yendi ya milangi ya tuhya.

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Njelemiya 10:20

Vimbalaka vyetu vinaviya, mikole ije yavikwatesele yavatozoka, vana vetu voshe vanatsi, naumo wai nasalao ashimbike lalo vimbalaka vyetu, co naumo wai akashukazekako mavamba ku vimbalaka vyavo.”

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Njelemiya 21:5

Njikalwa nove na nzili yoshe, na vukalu vwange na kuluvala kwange.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 42:18

“Shukulu Kalunga, Njambi ya Isalele alinakwendeka ngwendi, ‘Ngwe muje njaluvalele na vanu va Yelusalema, ngecivene, njikaluvala lalo neni nga yeni muya ku Ingito. Mukakala mu vukalu vwakama manene, co vanu vakamishendumuna, nakupangesa lizina lyeni kupwa cisingo. Nalumo lwai lalo mukamona mutambela uno.’ ”

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Mbimbi 1:13

“Watumine tuhya kutunda kwilu, tuhya tuje twenyele mukati kange. Ikeye wanjitelelele mweto, co wanjikokelele asi, wanjisezele njinatsi citunulu, co njonwele nzili litangwa lyoshe.

Mbimbi 2:5

Shukulu Kalunga nanyongesa Isalele ngwe citozi, naseza vimpaka vyendi na mapela endi mu ngundu. Nanena vusiwa vwa myaka yoshe, ali vanu va mu Yunda.

Mbimbi 3:3

co wanjipupile kwilukilamo nakwilukilamo lalo kujeneka kunjizivila mema ku mbunge.

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 13:13

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Mukuluvala kwange, njikatuma lihunzi lyakama, na nyonzi ya mungole, na nyonzi ya mamanya mukunyongesa civumbe.

Ezekiyele 20:34

Njikamimwesa nzili yange nakuluvala kwange, omo njikamikungulwila amolika, nakumiilwisa kutunda ku mafuti oshe kuje njamishandwelelele.

Ezekiyele 22:22

Vakavasangunwina mu Yelusalema ngwe muvakasangununa siliva mu lutengo, cooni vakazivuka ngeci yange Kalunga njinavanyanyamesa na vukalu vwange.”

Ezekiyele 24:25

Shukulu Kalunga wendekele ngwendi, “Muna munu, ololo njikatundisa kuli vakevo Njuvo yange ya nzili ije vakele nakulyalesela nakujolela, ije ivazemene kukengako nakusikamenako. Co njikavanyeka vana vavo va vanalume na ava va vanakazi.

Ezekiyele 36:18

Ngecivene, njavaluvalelele omwo akwitila maninga mu lifuti, na omwo tumponya tuje vajwalesele natwo lifuti.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 6:12

Vaje vali kulyala vakavinja, co vakatsa, na vaje vali muyehi vakatsila mu nzita, co vaje vakasalao vakalanduka ku njala. Vakaziva nzili ya vukalu vwange.

Ezekiyele 7:14

Lupembo lukaimba, co vanu voshe vakalivwaesela cimweja. Oloni naumo wai lalo akaya ku nzita, omwo vukalu vwa Njambi vukawila ali vanu voshe mu cifwa cimo.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

1 Samwele 28:16

Co Samwele wendekele ngwendi, “Omwo vikajo unjisanena nga Shukulu Kalunga nakuvyana, co nemuka citozi cove?