Mbimbi 2:2 - Livulu lya Shukulu Kalunga

² Shukulu Kalunga wanyongesele membo oshe a mu Yunda kujeneka mema ku mbunge, co mu vukalu vwendi wasiwile vimpaka vije vyanyungile lifuti, wazivisile shwamwa vumwene na vaka-kushwana vavwo.

Mbimbi 2:2 Iomraidhean Croise

Yombi 2:3

Co Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi. Wanjishongangeyeye ngeci njikutave umulwise kwa mulonga, oloni Yombi angavene nanjikulaela simbu yoshe.”

Myaso 21:9

Omo akasholoka akavanyongesa ngwe mulukanyongesa lutengo lwa tuhya. Shukulu Kalunga akavanyongesa mu vukalu vwendi, co tuhya tukavanyongesa njwa.

Myaso 74:7

Vanajwalesa Njuvo yove nakuyenyeka.

Isaya 22:5

Eyi ikeyo simbu ya kuuya-uya nakufunguluka na vitanga vije vinashulu mu Cimbongo ca Vimona, co Shukulu Kalunga wa Akamwa ya Vyoshe Muka-nzili yoshe navitumu ali yetu. Vivumbe vya nganda yetu vanavisiwila asi, co mitambi yakutukwasa inete mukati ka malundu.

Isaya 23:9

Shukulu Kalunga Muka-nzili yoshe ikeye watumbile vutumbe mukumanesa nakushaula kulyalesa kwa vanu voshe vaje vavasingimikile ano asi.

Isaya 25:12

Njambi akanyongesa vimpaka vya Mowavi vyakukola na vivumbe vyavyo vyavilaja, nakuvilundumwina asi.

Isaya 26:5

Ikeye nakeesa vaje valyalesele, nanyongesa vinganda vyavo vyakukola muje vayoyelele, nakusiwila vivumbe vyavo asi.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 43:28

co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Mbimbi 2:5

Shukulu Kalunga nanyongesa Isalele ngwe citozi, naseza vimpaka vyendi na mapela endi mu ngundu. Nanena vusiwa vwa myaka yoshe, ali vanu va mu Yunda.

Mbimbi 3:43

“Mu vukalu vwove watushekele nakututsiya kujeneka kutuzivilako mema ku mbunge.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Mika 5:14

Njikasiwula vimweso vya Ashela njambi wa munakazi mu lifuti lyeni nakunyongesa vinganda vyeni.

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Mateo 18:33

Co yove kuwasa kuzivilako mukweni mema ku mbunge ngwe munjinakuzivilile mema ku mbunge yange ndi?’

2 Kolinte 10:4

Vitwa vije tulinakupangesa mukulwa kwetu kesi ngwe vitwa vya kano kaye, oloni vitwa vya nzili ya Njambi, ije yasa kunyongesa vimbongi. Tulinakumanesa vimata vya makuli,

Kwituluka mu Mashiko 28:52

Vakalwisa nganda na nganda ije ili mu lifuti lije lyakamyana Shukulu Kalunga Njambi yeni, na vivumbe vyakukola vyavilaja, vije mwakulaela vikasiwuka.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.