Mbimbi 2:10 - Livulu lya Shukulu Kalunga

¹⁰ Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Mbimbi 2:10 Iomraidhean Croise

2 Samwele 13:19

Walishuwilile lito ku mutwe wendi, co watavwile cikoveyo cendi, walikwatele mbimbi-mutwe oku aya nakulila.

Isaya 15:3

Co vanu vakenda mu vitapalo oku vanazala vikeleya, mushandangala yangoco na akamwa ya vinjuvo vyavo, vanu valinakulila na kusikoka.

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 36:22

Co Elyakime, na Shevana, na Yowahe vatavozwele vuzalo vwavo mukuviilila, co vakalekele mwene vije vyendekele mwata wa Asilya.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Isaya 47:5

Shukulu Kalunga nendeka ku Mbambilone ngwendi, “Tumbama kuluu mu lisusulungu, nalumo lwai lalo vakakutumbula vamwene wa mafuti!

Njelemiya 8:14

Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Mbimbi 1:4

Vitapalo vyakuya ku Siyone vilinakulila ngwe vanu, omwo naumo wai alinakwendamo mukuya ku Njuvo ya Shukulu Kalunga, mukulemesa a matangwa akujela. Vambanda vaje vakele nakwimbila kuje valinakuyanda, co vaka-kukombelela valinakukemanga lika. Vikolo vya mu nganda vili mupulungwa, co Siyone ili mu vukalu.

Mbimbi 3:28

Omo tulinakuyanda, tunapande kutumbama mwetu lika mukusimpa ca kwoloka,

Mbimbi 4:16

Shukulu Kalunga kombileko mbunge lalo kuli vakevo, ikeye vavenya wavashandwele. Kasingimikile nameme vaka-kukombelela vetu, nambe vantwama vetu.

Mbimbi 4:5

Vanu vaje vakele nakulya vyakulya vyavivwa valinakulanduka ku njala mu vitapalo, vanu vaje vayoyele kuyoya kwakuvwa, valinakushakezeka vyakulya mu vimbulu vya mazilo.

Mbimbi 5:12

Vantwama vetu vanavatwala mukuvashukika, co tukulukazi vetu kuvesi nakuvasingimika.

Mbimbi 5:14

Tukulukazi lalo kuvesi na simbu yakutumbama ku cikolo ca nganda, co matukuka a vakwenje kuvesi na simbu lalo yakwimba myaso.

Ezekiyele 27:30

Voshe valinakulila omwo yove, valishawilile livu a mitwe yavo nakulyalanga mu lito.

Ezekiyele 27:31

Vanateula mitwe yavo omwo yove, co vanazala vikeleya. Vimbunge vyavo vivavala manene omwo valinakulila.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Njwele 1:8

Lileni, yeni vanu, ngwe mumbanda alila kutsa kwa munalume uje nashakele kumwambata.

Amose 5:13

Ngecivene, uje ali na mana akoloke kuluu a simbu eyi yaivi ngacije!

Amose 8:13

A litangwa lije nameme vambanda vavavwa na vakwenje va nzili vakalezumuka omwo lihwila.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Yoshwa 7:6

Ngecivene, Yoshwa na vantwama va Isalele vatavwile vuzalo vwavo mukuviilila, co valyumbilile asi kulutwe lwa Cikasa ca Cikumiiyo ca Shukulu Kalunga. Valishuwilile lito ku mitwe yavo kumwesa vusiwa vwavo, co vakele kuje noo cingwezi.

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”