Mbimbi 2:1 - Livulu lya Shukulu Kalunga

¹ Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Mbimbi 2:1 Iomraidhean Croise

2 Samwele 1:19

“Vantwama vetu vanatsila a malundu a Isalele! Mashwalale vetu vakusimpa vanau!

1 Mizimbu 28:2

Mwene Ndaviti wemanene kulutwe lwavo, wendekele kuli vakevo ngwendi, “Vavushoko vwange, njitolilileni mwamuvwa. Njashakele kutungila Cikasa ca Cikumiiyo njuvo yakukola ije inapu litanda lya Shukulu Kalunga Njambi yetu. Njalivwaeselele cimweja vyakutungisa Njuvo ya Shukulu Kalunga mukumusingimika,

Myaso 132:7

Twendekele ngwetu, “Tuyeni ku Njuvo ya Shukulu Kalunga, tulemeseni ku mesho endi!”

Myaso 89:45

Unakeesa matangwa a vukwenje vwendi, co unamuzivisa shwamwa.

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Isaya 64:11

co Njuvo yove, mwela wakujela wauvwa kuje vakukulwila vetu vakulemeselele, vanainyongesa na tuhya. Vinjuvo vyetu vyoshe vyavivwa vinasiwuka.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Mbimbi 1:12

“Kuma eci kucesi nakulumbununa cuma cimo kuli yeni mulinakwita mu ngila ndi? Kengeni nga kuli umo namono tuyando ngwe yange, tuyando tuje nanjinenela Shukulu Kalunga a simbu ya vukalu vwendi vwakama.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 13:13

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Mukuluvala kwange, njikatuma lihunzi lyakama, na nyonzi ya mungole, na nyonzi ya mamanya mukunyongesa civumbe.

Ezekiyele 19:12

Oloni vautukwile na matoto amo na mizi yawo nakuumbila asi. Co lihunzi lya mu ngangela lyomisile vushuka vwawo. Co minango yawo yapokozokele, yomininine, co vayenyekele.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 30:18

Co lisusulungu likawila a Tafanehese omo njikamanesa nzili ya Ingito, nakumanesa nzili yayo ije vakele na kulyalesa nayo. Lishelwa likafwika Ingito, co vanu voshe va mu vinganda vyayo vakavatwala ku vunzinda.

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Mateo 11:23

Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.

Luka 10:15

Nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi!”

Luka 10:18

Yesu wavakumbulwile ngwendi, “Njamwene Satana awa kutunda mwilu ngwe muhyato.

1 Samwele 4:21

Co wamulukile lizina lya Ikambonde. Kunungulula ngwavo, “Vumpau vwa Njambi vwaseze Isalele!” Omwo vanambata Cikasa ca Cikumiiyo, na omwo kutsa kwa ishemweno na munalume wendi.

1 Samwele 4:22

Ikeye wendekele ngwendi, “Vumpau vwa Njambi vwaseze Isalele, omwo vanambata Cikasa ca Cikumiiyo.”