Mbimbi 1:6 - Livulu lya Shukulu Kalunga

⁶ Vuvwa vwa Yelusalema vunahu, vantwama vendi vanapu ngwe vishonge, vaje vanazeye na njala, vaje nzili yavo ilinakuhwa, omwo valinakutewa viyambi.

Mbimbi 1:6 Iomraidhean Croise

2 Vimyene 19:21

Shukulu Kalunga nendeka ngwendi, “Nganda ya Yelusalema inakuzindi, co ilinakukujola yove Senakelivi.

2 Vimyene 25:4

vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele a simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, vatewelele ku mutambela wa ku Cana ca Yondau.

2 Vimyene 25:5

Oloni mbunga ya mashwalale va Mbambilone vashekele Mwene Zendekiya, vakamukwatelele ku vyana vya Yeliko, co mashwalale vendi voshe vamusezele.

Myaso 50:2

Njambi alinakutwila ceke cendi mu Siyone, nganda ije yaivwa manene.

Myaso 96:9

Yeni vaka-kaye voshe tsikameni nakulemesa Shukulu Kalunga, na vuzalo vwakumulemesa navwo, vaka-kaye voshe vajaje ku mesho endi!

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 4:5

Asinoni Shukulu Kalunga akatuma lishelwa akamwa ya Munkinda wa Siyone na a voshe vaje vakakungulukilao, a simbu ya mutanya, na vwisi, na mulangi wa tuhya a simbu ya vutsiki. Co vumpau vwa Njambi vukafwika nakunyunga nganda yoshe.

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 29:4

“Shukulu Kalunga Muka-nzili yoshe, Njambi ya Isalele, nendeka kuli vanu voshe vaje vaatavesele Nevukaneza kuvatwala mu vunzinda kutunda ku Yelusalema nakuya ku Mbambilone ngwendi,

Njelemiya 47:3

Vakaziva cililimo ca vimbemba vya tuvalu, na cililimo ca mavalo a matemba. Visemi vakaseza vana vavo, omwo ya lyova manene.

Njelemiya 48:41

co vinganda na vimpaka vakavifungulula. A litangwa lije mashwalale va Mowavi vakalijajela ngwe munakazi ashaka kukita.

Njelemiya 52:11

Asinoni Nevukaneza wativile Zendekiya mesho, wamukutile malyenge, co wamutwalele ku Mbambilone. Zendekiya wakele mu kamenga ku Mbambilone noo litangwa lya kutsa kwendi.

Njelemiya 52:13

Co wenyekele Njuvo ya Shukulu Kalunga, na lipela, na vinjuvo vyoshe vya vanu va vulemu va mu Yelusalema,

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 24:25

Shukulu Kalunga wendekele ngwendi, “Muna munu, ololo njikatundisa kuli vakevo Njuvo yange ya nzili ije vakele nakulyalesela nakujolela, ije ivazemene kukengako nakusikamenako. Co njikavanyeka vana vavo va vanalume na ava va vanakazi.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.