Mbimbi 1:20 - Livulu lya Shukulu Kalunga

²⁰ “Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Mbimbi 1:20 Iomraidhean Croise

Yombi 30:27

Mbunge yange ilinakuziva cikela, kuyesi nakuhwima, co a litangwa na litangwa njilinakumona tuyando.

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Myaso 22:14

Nzili yange inahu, ngwe mema akwitikila asi. Mu vitsiya vyange mwoshe munatsi njenje, co mbunge yange inasangunuka ngwe sela.

Myaso 38:8

Yange njinapokoka nakuzeya, omwo mbunge yange ilinakulishoshomwena, co njilila nakukemanga.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Isaya 16:11

Ngecivene, mbunge yange ilinakulinyenga a Mowavi, nakulinyenga a Kile Helese.

Isaya 38:14

Lijwi lyange lyapwile lyalindondo nakuzeya, co njalinyengele ngwe katela. Mesho ange ajukile nakukenga kuli yove. Shukulu Kalunga, njamene ku tuyando twoshe otu.

Njelemiya 14:18

Omo njiya mu mahya njimona mivila ya vaje vatsililile mu nzita, omo njikovela mu membo, co njimona vanu valinakulanduka ku njala. Oloni vaka-kwimanena na vaka-kukombelela valinakupanga vipangi vyavo, kuvazivuka vije vilinakulingiwa.”

Njelemiya 14:20

Shukulu Kalunga, tunalingi vuvi ku mesho ove, tulitavela vuvi vwetu, na vuvi vwa vakukulwila vetu.

Njelemiya 2:35

mwendeka ngweni, ‘Kutwesi na mulonga, mwa vushunga Shukulu Kalunga, kaluvalele netu.’ Oloni yange Kalunga, njimihisa omwo munavyana ngweni kumwalingile vuvi.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 48:36

“Ngecivene, mbunge yange ilinakulinyenga a Mowavi na ali vanu va ku Kile Helese, ngwe munu alinakwimba mwaso wa vusiwa na mbendo, omwo vyuma vyoshe vakele navyo vinanyongo.

Mbimbi 1:11

Vanu vendi valinakukemanga oku vashakezeka vyakulya, valinakulandakana vufuko vwavo na vyakulya ngeci vivayoyese. Nganda ilinakutambeka ngwayo, “Shukulu Kalunga, kenga kuli yange, kenga omo njili mu tuyando twakama.”

Mbimbi 1:18

“Oloni Shukulu Kalunga napu wa vushunga, omwo yange kunjononokele mashiko endi. Yeni vanu muli kwoshe-ikwoshe njitolilileni, kengeni vusiwa vwange. Vakwenje vange na vambanda vange vanavatwala ku vunzinda.

Mbimbi 1:8

Yelusalema navulumuna manene, co napu wa mazilo, voshe vaje vamusingimikile valinakumushendumuna. Vanamumono ali mushelengwa, akemanga nakuvandesa cihanga cendi omwo shwamwa.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 7:15

Vanu valinakulwa nzita mu vitapalo, co mu vinjuvo muli mishongo na njala. Munu woshe uje ali anja ya lifuti akatsila mu nzita, co vanu voshe vali mu nganda vakakwatiwa na mushongo na njala ya lyangengela.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.