Mbimbi 1:17 - Livulu lya Shukulu Kalunga

¹⁷ “Njolola mavoko ange, oloni naumo wai anjikwasa, Shukulu Kalunga nanjisanena vitozi ngeci vakunjilwise ku mitambela yoshe, Vananjipwisa ngwe cuma ca mazilo.

Mbimbi 1:17 Iomraidhean Croise

1 Vimyene 8:22

Asinoni Solomoni wemanene kulutwe lwa mutula ku mesho a vanu voshe, co wolwele mavoko endi mwilu,

1 Vimyene 8:38

tolilila ku malombelo avo. Nga vanu vove va Isalele vaziva vusiwa ku mbunge, co nga volwela mavoko avo ku Njuvo ino mukulombela kulutwe lwa ino Njuvo ya Shukulu Kalunga,

2 Vimyene 25:1

Zendekiya watengulukilile Mwene Nevukaneza wa ku Mbambilone nakumulwisa, co Nevukaneza wezile na mashwalale vendi voshe, walwisile Yelusalema a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, valingile mikinya noo vetele ku vivumbe vya nganda,

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 54:11

Shukulu Kalunga alinakwendeka ngwendi, “Yelusalema, nganda ya tuyando, na nganda yakujeneka seo, naumo wai akakuzembeleka, njikatungulula luvula lwove na mamanya a seo yakama.

Njelemiya 12:9

Vanu vange vakwangula vanafu ngwe kazila, uje valinakulwisa ku tumbembe ku mitambela yoshe noku-noku. Saneni tusitu vaije ku ciwano!

Njelemiya 15:5

Shukulu Kalunga alinakwendeka ngwendi, “Yeni vanu va mu Yelusalema, iyajo akamizivilako ngozi? Iyajo akamizivilako vusiwa? Iyajo akalipesa kumihula vati mumunendukila?

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 34:22

Njikavana mashiko, co vakeluka ku nganda ino. Vakailwisa nakuyifungulula, co vakayenyeka njwa. Njikapwisa vinganda vya mu Yunda vingundu. Yange Kalunga, njinendekamo.”

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 6:3

tunyungi vakatungilako vilombo vyavo. Co vakashimbikako vimbalaka vyavo kuzengeleka nganda, co munu na munu akashimbika mbalaka yendi kuje kwoshe kwanashaka.

Njelemiya 8:18

Naumo wai asa kunjizembeleka ku vusiwa vwange, vulinakunjivinjisa mu mbunge.

Mbimbi 1:16

“Omwo vyuma evi mukemwo njilila misozi. Naumo wai anjizembeleka, nambe kunjitakamesa. Vitozi vananjifungulula, co vanu vange kuvesi na cuma cimo cije civanasala naco.

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Mbimbi 1:8

Yelusalema navulumuna manene, co napu wa mazilo, voshe vaje vamusingimikile valinakumushendumuna. Vanamumono ali mushelengwa, akemanga nakuvandesa cihanga cendi omwo shwamwa.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Ezekiyele 36:17

“Muna munu, omo vaIsalele vayoyelele mu lifuti lyavo, co valijwalesele a ngila ije vayoyelelemo na a vilinga vyavo. Njakengele akuyoya kwavo ngeci kwapwile kwa futisi yakujwala, ngwe munakazi uje kakwata ku liko.

Hoziya 8:8

Isalele vanemuka ngwe miyati yeka kuvesi na seo ngwe ndeo ya vuma ya kutsa.