Mbimbi 1:15 - Livulu lya Shukulu Kalunga

¹⁵ “Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

Mbimbi 1:15 Iomraidhean Croise

2 Vimyene 9:33

Yehu wendekele kuli vakevo ngwendi, “Mumbileni asi.” Co vombilile Njezevele asi, maninga endi ashamukilile a civumbe na a tuvalu. Yehu wendesele tuvalu twendi na litemba a muvila wendi,

Myaso 119:118

Yove uvyana voshe vaje vajeneka kwononoka mashiko ove, matumbe avo apwa a makuli.

Isaya 28:18

Cikumiiyo mwalikumiiye na kutsa cikahwa, co lizivasano mwalizivasanene na lifuti lya vukalo vwa vatsi vakalitundisa. Co vukalu vwa mankimba akungwanjanga akamikupula.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 5:5

“Eci cikeco cinjikalinga ku citungu cange ca mikolovozi ya vushuka vwa vinyu. Njikatundisa cipatanga cakwo, co njikasiwula civumbe cije canyungako, ngeci tusitu vakalye vushuka nakuvulyatangela.

Isaya 63:3

Shukulu Kalunga alinakukumbulula ngwendi, “Njinalyatangela miyati ya vanu ngwe mikolovozi ya vushuka vwa vinyu, co naumo wai wezile mukunjikwasa. Njavalyatangelele na vukalu vwange, co maninga avo anatasanga a vuzalo vwange vwoshe.

Njelemiya 13:24

Shukulu Kalunga akamishandola, ngwe lihunzi lya mu mambo lipekumuna vishati.

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 50:26

Lwiseni Mbambilone ku mitambela yoshe noku-noku, co tuveni nakushokolola ku mitambela kuje kuvatulikila vimbuto! Lundikeni vije munapukula ngwe mitumbo ya vimbuto! Nyongeseni lifuti! Kesi musezemo cuma cimo.

Njelemiya 51:34

Mwene Nevukaneza wa Mbambilone natete Yelusalema nakuyilya. Napwisa nganda ngwe njava yamupulungwa, naleula nganda ngwe cikashama. Wambatele vije vyashakele nakumbila kuti vije kashakele.

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Mbimbi 3:34

Shukulu Kalunga azivuka omo minzinzime yetu valinakuyiyandesa mu kamenga,

Ndanyele 3:13

A simbu ije vene mwene waluvalele manene, washikile ngeci vaje vanalume vatatu vavanene kuli ikeye, co vavanenele.

Njwele 3:13

Vuvi vwavo vunatumu manene, vavatuleni ngwe vimbuto a simbu yakuviteja, vatseneni ngwe muvakatsene mikolovozi ya vushuka vwa vinyu mu likamwino lya vinyu noo vinyu vishumuka.”

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Malakiya 4:3

A litangwa lije omo njikalinga, mukafungulula vaka-vuvi, co vakapwa ngwe likungu mwisi ya myanja yeni.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.

Maako 10:8

Vayandesele nakupangesa vaIsalele voshe myaka likumi na itanu na itatu vaje vakele mu lifuti lya vaAmoli, mu ngangela musambwa ya Ndonga ya Yondau mu Ngilyande.