Mbimbi 1:14 - Livulu lya Shukulu Kalunga

¹⁴ Ikeye wazivukile vuvi vwange vwoshe co wavukutiiya amo vwoshe, wavuzengelele ku mukoshi wange, co vwanjizeyesele manene omwo vulemu vwavwo. Shukulu Kalunga wanjanene ku mavoko a vitozi vange, co njonwele kuvayeluwisa.

Mbimbi 1:14 Iomraidhean Croise

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Isaya 14:25

Njikanyongesa vaAsilya mu lifuti lyange lya Isalele nakuvalyatangela a minkinda yange. Njikapatula vanu vange ku vunzinda vwa vaAsilya.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 27:12

Njendekele cuma cimolika kuli Mwene Zendekiya wa mu Yunda ngwange, “Likeese kuli mwene wa Mbambilone. Mupangele ikeye nakupangela lalo vanu vendi, co ukayoya.

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 28:13

kuya nakuleka Hananiya ngwange, “Shukulu Kalunga nendeka ngwendi yove wasa kutavula mandauluwa ya citi, oloni akengisamo mandauluwa ya cikuvo.

Njelemiya 28:14

Shukulu Kalunga Muka-nzili yoshe, Njambi ya Isalele, nendeka ngwendi akaka mandauluwa ya cikuvo a mikoshi ya vanu voshe ngeci vapangele Mwene Nevukaneza wa Mbambilone. Shukulu Kalunga nendeka ngwendi nameme tusitu akavononwesa ngeci vapangele Nevukaneza.”

Njelemiya 32:3

Mwene Zendekiya wanjakele mu kamenga omwo njambulwile ngwange Shukulu Kalunga nendeka ngwendi, “Njikatavesa mwene wa Mbambilone ngeci afungulule nganda ya Yelusalema,

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Njelemiya 37:17

Asinoni Mwene Zendekiya wanjisanene mu vushweke mu lipela lyendi, co wanjihwile ngwendi, “Kuli lijwi limo lyatundu kuli Shukulu Kalunga ndi?” Co njamukumbulwile ngwange, “Eyo kulili, Shukulu Kalunga akakwana ku mavoko a mwene wa Mbambilone!”

Ezekiyele 11:9

Njikamitundisa mu nganda nakumyana ku mavoko a vangenzi. Njinamisompela kutsa,

Ezekiyele 21:31

Vukalu vwange vukaija ali yeni ngwe tuhya twakushukuma. Co njikamyana ku mavoko a vanu vavavi, vaje vazivuka manene kunyongesa vanu.

Ezekiyele 23:28

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Yange njikakukundika ku mavoko a vanu vaje vawazinda nakwenukwa.

Ezekiyele 25:4

Omwo yeni mwavwaelelele, njikamikundika ku mavoko a vanu vakutunda mu mambo ya mu ngangela ngeci vakamifungulule. Co vakatunga vilombo vyavo mu lifuti lyeni nakukalamo. Vakalya vushuka nakunwa mavele vije vyapandele kupwa vyeni.

Ezekiyele 25:7

Omwo walingile vyuma evi, co njikakwana ku mavoko a miyati yeka ngeci vakakwivile vyove. Co mwa vushunga vene njikakunyongesa, co kuukapu lalo muyati nalumo lwai nambe kukala na lifuti lyove embwe. Asinoni ukazivuka ngeci kuma yange njapwa Kalunga.’ ”

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Mika 2:3

Ngecivene, Shukulu Kalunga alinakwendeka ngwendi, “Njilinakuyongola kunena tuyando twakama ali yeni, co kumukasa kuvanda embwe. Mukakala mu vukalu, co kumukende na kulyalesa lalo.

Kwituluka mu Mashiko 28:48

Ngecivene, mukapangela vitozi vaje vakamitumina Shukulu Kalunga. Mukakala na njala, na lihwila, na vuzu, mukajeneka vyuma vyoshe. Co Shukulu Kalunga akamiyandesa manene noo naminyongesa njwa.