Mbimbi 1:13 - Livulu lya Shukulu Kalunga

¹³ “Watumine tuhya kutunda kwilu, tuhya tuje twenyele mukati kange. Ikeye wanjitelelele mweto, co wanjikokelele asi, wanjisezele njinatsi citunulu, co njonwele nzili litangwa lyoshe.

Mbimbi 1:13 Iomraidhean Croise

Yombi 18:8

Nakovela a linimbwa, co mendi endi analizengela-zengelao.

Yombi 19:6

Kuma yeni kumwamwene ngeci Njambi ikeye nalingi eci ndi? Ikeye nanjitela mweto mukunjikwata.

Yombi 30:30

Cikonde cange cinemuka cakuzivala, co cilinakujamozoka, co vitsiya vyange vilinakwenya na ntwima.

Myaso 129:5

Voshe vaje vazinda Siyone, vavafungulule nakuvelwisa munima!

Myaso 140:5

Vaka-kulyalesa vananjitela mweto, vanatanduvula mikole ngwe linimbwa, vananjitela myeto kumukulo wa ngila ngeci njitsemo.

Myaso 22:14

Nzili yange inahu, ngwe mema akwitikila asi. Mu vitsiya vyange mwoshe munatsi njenje, co mbunge yange inasangunuka ngwe sela.

Myaso 31:10

Mwonyo wange unazeye omwo vusiwa, na myaka yange inapu ya tuyando, nzili yange inahu omwo vuvi vwange, co vitsiya vyange vinazeye.

Myaso 35:4

Voshe vaje vashaka kunjitsiya, vavafungulule nakuziva shwamwa! Voshe vaje vanjitumbila vutumbe vwakunjilwisa velwise munima nakuvaiya-iyisa!

Myaso 38:8

Yange njinapokoka nakuzeya, omwo mbunge yange ilinakulishoshomwena, co njilila nakukemanga.

Myaso 66:11

Unatava ngeci tutse mu mweto, co unatutwiki vitele vyakulema a myongo yetu.

Kutuuka 12:9

Kesi muyilye yaivishu nambe yakuteleka, oloni yoshe ipwe yakwoca, amo na mutwe, na mendi, na vya mwimo.

Isaya 42:17

Voshe vaje valemesa tumponya, kuvapwisa vinjambi vavo, vakavelwisa munima nakuvazivisa shwamwa!”

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Mbimbi 1:22

“Vahise akuvulumuna kwavo kwoshe, vanyanyamese, ngwe muwanjinyanyamesele yange omwo vuvi vwange. Njilinakukemanga mu tuyando, co cinyangavili cange coshe cinahu.”

Mbimbi 3:11

Wanjishekele kunjitundisa mu tapalo, nakunjisanyozola vipuka-vipuka, co wanjisezele mbwa.

Mbimbi 5:17

Tulinakuvinja mukati ka vimbunge vyetu, co kutwasa kumona omwo misozi.

Ezekiyele 12:13

Oloni njikajangumuna linimbwa lyange nakumukwatelao. Asinoni njikamutwala ku nganda ya Mbambilone, akatsila kuje kujeneka kuyimona.

Ezekiyele 17:20

Njikajangumuna linimbwa lya ciyambi nakulita, co akatsao. Njikamutwala ku Mbambilone nakumunyanyameselako, omwo kapwile muka-kulongwa kuli yange.

Ezekiyele 32:3

Omo miyati yaingi vakakunguluka, njikakukwata mu linimbwa lyange, co vakakukokangeya nakukutwala a nunda.

Hoziya 7:12

Oloni njikata linimbwa nakuvakwata ngwe tuzila omo vaya. Njikavanyanyamesa a vuvi vuje vanalingi.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Kwituluka mu Mashiko 28:65

Akati ka miyati ije kumukawana kwoloka, kukwesi mutambela umo uvakatumbula ngwavo unapu weni wai. Oloni Shukulu Kalunga akamyana vimbunge vyakujakama, kujeneka kumbako mbunge, nakuzeya kwakama.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

VaHevelu 12:29

omwo Njambi yetu mwa vushunga wapwa tuhya twakunyongesa.