Mbimbi 1:10 - Livulu lya Shukulu Kalunga

¹⁰ Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Mbimbi 1:10 Iomraidhean Croise

2 Mizimbu 36:18

Co Mwene wa Mbambilone wapukwile Njuvo ya Shukulu Kalunga, na vufuko vwamwo, na vufuko vwa mwene na vamyata vendi, watwalele vyuma vyoshe ku Mbambilone.

Nehemiya 13:1

Omo valavelele vanu Lishiko lya Mosesa, co vetele a mutambela uje vasonekele ngeci kukwesi kaAmoni nambe kaMowavi ivakatavesa kulipandakana na vanu va Njambi.

Isaya 63:18

Yetu, vanu vove vakujela, vitozi vetu vatutundisile mu lifuti lyetu kasimbu kakandondo lika, vitozi vetu vasiwile Njuvo yove yakujela.

Njelemiya 15:13

Shukulu Kalunga wendekele kuli yange ngwendi, “Njikatuma vitozi mukwambata vivala na vufuko vwa vanu vange, mukuvanyanyamesa a vuvi vuje vuvanalingi mu lifuti mwoshe.

Njelemiya 20:5

Njikecela vitozi vavo vakapukule vufuko vwoshe vwa mu nganda eyi, nakwambata vufuko vwamwo na vivala, na vitulikilo vya vimyene va mu Yunda, co vakatwala vyuma vyoshe ku Mbambilone.

Njelemiya 27:19

(Evi vikevyo vyanendeka Shukulu Kalunga Muka-nzili yoshe a vimanda, na lizau lya vunengu, na vwimaneno, na vufuko vukwavo vwa mu Njuvo ya Shukulu Kalunga vuje vwasalele mu nganda,

Njelemiya 27:21

“Tolilileni ku vije njendeka yange Kalunga Muka-nzili yoshe, Njambi ya Isalele, a vufuko vuje vwasalele mu Njuvo yange na mu lipela mu Yelusalema.

Njelemiya 50:28

(Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 51:51

Mwendeka ngweni, ‘Vanatuzivisa shwamwa nakutuviisa, mwa vushunga tunazivi shwamwa, omwo vaka-kwija vanambata mitambela yakujela ya mu Njuvo ya Shukulu Kalunga.’

Njelemiya 52:13

Co wenyekele Njuvo ya Shukulu Kalunga, na lipela, na vinjuvo vyoshe vya vanu va vulemu va mu Yelusalema,

Mbimbi 1:7

A matangwa a tuyando, Yelusalema alinakwanuka vuyoye vwavuvwa vuje vwayoyele a matangwa a kunima, oloni napu ngundu. Omo wakele mu mavoko a vitozi, naumo wai wamukwasele. Vaje vamufungulwile vajolele akuwa kwendi.

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Ezekiyele 7:22

Kunjikombuko mbunge omo Njuvo yange ya vufuko vaizilula, omo vezi vaituva nakukovelamo nakuyijwalesa.

Ezekiyele 9:7

Njambi wendekele kuli vakevo ngwendi, “Jwaleseni Njuvo yange. Shuliseni vipango na mivila ya vanu. Pangeni vipangi!” Ngecivene, vashangumukile kutsiya vanu vaje vakele mu nganda.

Mako 13:14

“Oloni mukamona cimweso ca Vunyengwe cinemana kuje kucapandele kukala.” (Yove ulinakulava zivisisa muvinalumbunukila!) “Asinoni vaje vali mu Yundeya vakatewele ku malundu.

Kwituluka mu Mashiko 23:3

“Kukwesi kaAmoni, nambe kaMowavi, nambe mutekulwila wavo umo, nameme wa ku cisemwa camulikumi, vakamupandakane ku vanu va Shukulu Kalunga.

Kwituluka mu Mashiko 23:4

Omwo vavyanene kumyanako vyakulya na mema mu vungenzi vweni vwakutunda ku Ingito. Co lalo valanyele Mbalame muna Mbeole, uje watundile ku nganda ya Petole mu Mesopotamya, nakumisinga.