Mbimbi 1:1 - Livulu lya Shukulu Kalunga

¹ Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Mbimbi 1:1 Iomraidhean Croise

1 Vimyene 4:21

Vushwana vwa Solomoni vwawezeleleko na mafuti oshe kutunda ku Ndonga ya Yufuleti kutwala ku Filisitiya na nginga ya Ingito. Vakele nakufweta lisimu kuli ikeye, co vakele mwisi yendi simbu yoshe yakuyoya kwendi.

2 Vimyene 23:33

Kushwana kwendi kwahwile omo Mwene Neko wa ku Ingito wamutwalele ku Limbela mu lifuti lya Hamate, nakumupwisa cinzinda, co wafwetesele Yunda mulambu wa makilo 3,400 a siliva, na makilo 34 a ngolinde.

2 Vimyene 23:35

Mwene Yehoyakime wafwetesele lisimu vanu ngwe kukufuka kwavo, ngeci ase kuwana vimbongo vya lisimu vije vyemikile mwene wa Ingito.

2 Mizimbu 9:26

Ikeye wapwile mwene wakama kutuvakana vimyene voshe va mu lifuti kutunda ku Ndonga ya Yufuleti kweta ku Filisitiya na ku nginga ya Ingito.

Ezela 4:20

Vimyene vaka-nzili vashwanene mu Yelusalema, na lifuti lyoshe lya mu Kangombe ka Yambi ka Yufuleti, co vakele nakuvalambwila milambu nakuvafweta lisimu.

Nehemiya 5:4

Anga veka vendekele ngwavo, “Tunapande kukumuna vimbongo tufwete lisimu lya vumwene a mahya etu na vitungu vyetu vya mikolovozi ya vushuka vwa vinyu.

Nehemiya 9:37

Vije vilinakutunda mu lifuti, vili na kuya ku vimyene, vaje vatushwanene, omwo yetu twalingile vuvi. Valinakulinga mwoshe muvashakela ali yetu na a vimuna vetu, co tuli mu vukalu vwakama manene!”

Myaso 122:4

Oku kukekwo kuvakele nakuya miyati ya Shukulu Kalunga, vaile mukushangazala lizina lya Shukulu Kalunga, ngwe ku mashiko aje aanene Isalele.

Isaya 14:12

“Mwene wa Mbambilone, yove litota lya ku mutondo, unau kutunda mwilu! Ku san̄ulu wafungulwile miyati ya vanu, oloni ololo vanakumbila asi.

Isaya 22:2

Nganda yoshe ilinakutambeka, inashulu na muyoyo nakutangalala. Vanu vaje vanalala mu vitapalo omwo yakupenda kuvavatsiile mu nzita.

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 49:21

Asinoni ukendeka mu mbunge yove ngwove, ‘Iyajo wanjikitilile vana ava voshe? Vana vange voshe vatsile, co njakele ange lika, ngwe munu uje ivashekele. Yange njakele mu vunzinda, nakunjitwala kulyala, iyajo nalele vana ava? Njasalele ange lika, co vana ava vanatundu kulijo?’ ”

Isaya 50:5

Shukulu Kalunga nashokolola matwi ange ngeci njizive, co kunjamutengulukilile nambe kutunda kuli ikeye.

Isaya 52:2

Yelusalema, katuka mu likungu! Litotomone likungu, tumbama a litanda lyove! Yeni vinzinda va Siyone lizituleni malyenge aje anamikutu!

Isaya 52:7

Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Njelemiya 31:7

Shukulu Kalunga alinakwendeka ngwendi, “Imbileni Isalele nakujolela, muyati wa vanu wakama kutuvakana miyati ya vanu voshe. Imbeni mwaso weni wakushangazala ngweni, ‘Shukulu Kalunga namena vanu vendi, napatula voshe vaje vasaleleo.’

Njelemiya 40:9

Ngendaliya wavalekele ngwendi, “Kesi muzive lyova akuliita kuli vaMbambilone. Tungeni mu lifuti lino, co pangeleni mwene wa Mbambilone, vyoshe vikakala mwamuvwa.

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Njelemiya 44:2

Shukulu Kalunga Muka-nzili yoshe, Njambi ya Isalele, wendekele ngwendi, “Yeni voshe mwamwene vukalu vwoshe vuje njanenele a Yelusalema, na ku vinganda vyoshe mu Yunda. Nameme ololo anga vinapu vingundu, naumo wai wakalamo,

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Njelemiya 50:23

Muveto vafulile nawo kaye koshe unavatozoka, nakumunguka! Miyati yoshe ya vanu vanalikomokela omwo Mbambilone inapu ngundu.

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 26:16

Vimyene voshe va ku vikuma vya mema a kalunga vakashuluka a matanda avo. Vakashulula vikoveyo vyavo vyavilaja mavoko, na vuzalo vwavo vwakushelasana, co vakatumbama asi nakujaja. Vakakala na lyova a kayando kove ngeci kuvakasa kulikela kujaja.

Ezekiyele 26:2

“Muna munu, vanu va mu nganda ya Tile vanakuu vanu va mu Yelusalema ngwavo, ‘Ehe! Yelusalema vanayisiwula! Nzili yendi yakulanda nakulandesa inahu! Kakapu lalo citozi cetu!’

Ezekiyele 5:5

Co Shukulu Kalunga wa Akamwa ya Vyoshe wendekele ngwendi, “Kenga, Yelusalema njayaka mukati ka kaye, na mafuti oshe eka anaizengeleka.

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’