Mateo 9:35 - Livulu lya Shukulu Kalunga

³⁵ Co Yesu waitanganene mwaya membo akama na mu tumembo twatundondo. Walongesele mu masinangonge avo, wambulwile Vin̄anda Vyavivwa vya Vumwene vwa Njambi, co nakukangwisa vaka-mishongo na vaka-kuvinja vakuliseza-seza.

Mateo 9:35 Iomraidhean Croise

Mateo 10:1

Co Yesu wasanene vandongisi vendi likumi na vavali, vaije kuli ikeye, co wavanene moko yakutundisa minzinzime yakujwala, nakukangwisa mishongo yoshe nakuvinja kwoshe.

Mateo 11:1

Co omo Yesu wamanesele kushika vandongisi vendi likumi na vavali, watundile ku mutambela kuje kwakele waile nakulongesa nakwambulula mu membo aje akele kuje.

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mako 1:14

Omo Yowano vanamwaka laja mu kamenga, Yesu waile ku Ngalileya nakwambulula Vin̄anda Vyavivwa vya Njambi.

Mako 6:56

Co kwoshe kuje kwaile Yesu, mu membo, na mu vinganda, na mu mahya, vanu vamutwalelele vaka-kuvinja kuje ku mitambela yakulandesela nakumulambelelela ngeci atave vaje vakele nakuvinja vakwate nameme ku mukundwilo wa cikoveyo cendi. Co vaje voshe vakwateleko vakangukile.

Mako 6:6

Co walikomokelele, omwo vanu kuvakulaelele. Asinoni Yesu waile ku membo akwatako, walongesele vanu.

Luka 13:22

Yesu wetile mu vinganda na mu membo, co walongesele vanu oku ali mu vungenzi vwakuya ku Yelusalema.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.