Mateo 9:34 - Livulu lya Shukulu Kalunga

³⁴ Oloni vaFaliseo vendekele ngwavo, “Mwene wa minzinzime yakujwala ikeye alinakumwana nzili yakutundisa minzinzime yakujwala!”

Mateo 9:34 Iomraidhean Croise

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 11:18

Omwo Yowano wezile, kalile vyakulya nambe kunwa vinyu, co vendekele ngwavo, ‘Ali na munzinzime wakujwala!’

Mateo 12:22

Asinoni vamunenelele munalume umo wa kapuputwa na vuveveve omwo wakele na munzinzime wakujwa. Yesu wamukangwisile, ngecivene, uje munalume wasele kumona nakwendeka.

Mateo 12:27

Yeni mwendeka ngweni yange njikatundisa minzinzime yakujwala omwo Mbelezembulu ikeye akanjana nzili yakulinga ngacije. Mukemwo vene njimihula ngwange iyajo alinakwana vanu veni nzili yakutundisa minzinzime yakujwala? Vije valinakulinga vanu veni vinapu vukaleo vwakumihisa!

Mako 3:22

Co vamo valongisi va majwi a Lishiko vaje vatundile ku Yelusalema vendekele ngwavo, “Ali na Mbelezembulu! Mwene ya minzinzime yakujwala ikeye namwana nzili yakutundisa minzinzime yakujwala.”

Luka 11:15

oloni vamo vendekele ngwavo, “Mbelezembulu mwene ya minzinzime yakujwala ikeye alinakumwana nzili yakuvatundisa.”

Yowano 3:20

Omwo munu woshe alinga vyuma vyavivi azinda ceke kasa kwija ku ceke, omwo kashaka vilinga vyendi vyavivi ngeci visholoke.

Yowano 7:20

Mbunga vamukumbulwile ngwavo, “Muli yove muli munzinzime wakujwala! Iyajo ashaka kukutsiya?”