Mateo 9:33 - Livulu lya Shukulu Kalunga

³³ Oloni omo Yesu watundisile uje munzinzime wakujwala, uje munalume wendekele, co vanu voshe vakomokele vendekele ngwavo, “Yetu kanda tumone cuma cakufwa ngacije mu Isalele!”

Mateo 9:33 Iomraidhean Croise

2 Vimyene 5:8

Omo Elisha muka-kwimanena wazivile ngeci mwene wa mu Isalele natavula vuzalo vwendi, co watumine lijwi kuli mwene ngwendi, “Omwo vikajo unatavwila vuzalo vwove? Tuma munalume kuno kuli yange, co njikamumwesa ngeci mu Isalele muli muka-kwimanena!”

Myaso 76:1

Njambi vamuzivuka mu Yunda, lizina lyendi lyapwa lyakama mu Isalele.

Isaya 35:6

Vilema vakajombozoka nakukina, na vaje voshe kuvasele kwendeka, vakatambeka nakujolela. Vana va vindonga vakaita mukati ka mambo,

Njelemiya 32:20

Ku san̄ulu walingile vizivukiso na vikomokeso vyakukomokesa mu Ingito, co wakele nakuvilinga nakweta ku litangwa lya lelo mu Isalele, na akati ka miyati yoshe yeka, ngecivene, ololo vanakuzivuka kwoshe-ikwoshe.

Mateo 8:10

Omo wazivile evi, Yesu walikomokelele, co wendekele kuli vanu vaje vamukavele ngwendi, “Mwa vushunga njimileka ngwange, nameme mu lifuti lya Isalele, kumwesi muka-kukulaela wangacije.

Mateo 9:32

Omo vatundileko, vanu vamo vanenele kaveveve kuli Yesu, omwo wakele na munzinzime wakujwala.

Mako 2:12

Omo voshe vakele nakukengelela, uje munalume wakatukile, wambatele linala lyendi, co watuukile vwasi. Co voshe valikomokelele, co vashangazalele Njambi, vendekele ngwavo, “Kanda tumone vyuma vyakufwa ngacije!”

Luka 11:14

Yesu wakele nakutundisa munzinzime wakujwala mu munu uje kasele kwendeka, omo uje munzinzime wakujwala watundile, co uje munalume washangumukile kwendeka. Co mbunga valikomokelele,

Luka 7:9

Yesu walikomokelele omo wazivile evi, co watengulukilile kuli ije mbunga yamukavele wendekele kuli vakevo ngwendi, “Njimileka ngwange, nakumo kwai kunjawana kukulaela kwakama ngwe oku, nameme mu Isalele kukulaela oku kwaimo.”