Mateo 9:28 - Livulu lya Shukulu Kalunga

²⁸ Omo Yesu wakovelele mu njuvo, vaje tupuputwa vavali vezile kuli Yesu, co Yesu wavehwile ngwendi, “Kuma yeni mwakulaela ngweni yange njasa kumikangwisa ndi?” Vakevo vamukumbulwile ngwavo, “Eyo shukulu.”

Mateo 9:28 Iomraidhean Croise

1 Vimyene 17:16

Ngwe muje Shukulu Kalunga mwakulaesele Elinja, muje mu lilonga kumwahwile vunga vwa tiliku nambe mazi kuwomine muje mu njava.

Mateo 13:1

A litangwa lije vene, Yesu watuukile mu njuvo, co wakatumbamene ku kenge ya lishali nakulongesa.

Mateo 13:36

Asinoni Yesu wasezele vimbunga vije, co wakovelele mu njuvo. Co vandongisi vendi vezile kuli ikeye, vamwihwile ngwavo, “Tulumbunwine mwamuvwa cisimo ca shaku ya mu lihya.”

Mateo 13:58

Co kalingile vizivukiso vyavingi kuje omwo kuvakulaelele.

Mateo 8:14

Co omo Yesu wakovelele mu njuvo ya Petulu, muje wamwene vainamweno ya Petulu vanalala a vulili nakuvinja lisika-sika.

Mateo 8:2

Asinoni munu umo wakele nakuyanda na mushongo wa mbumba wezile watsikamene ku mesho endi, wendekele ngwendi, “Shukulu, nga mushaka, mwasa kunjijelesa.”

Mateo 9:22

Yesu watengulukile wamumwene, co wendekele ngwendi, “Simpa, munange, kukulaela kwove kunakukangwisa.” Co uje munakazi kutunda simbu ije vene wakangukile.

Mateo 9:27

Co omo Yesu watundile kuje, tupuputwa vavali vakele kuje vamukavele, vatambekele ngwavo, “Ove muna Ndaviti, tuzivileko mema ku mbunge!”

Mateo 9:29

Asinoni Yesu wakwatele a mesho avo wendekele ngwendi, “Cilingiwe kuli yeni ngwe kukulaela kweni.”

Yowano 11:26

co woshe alinakuyoya uje akulaela kuli yange kakatsi embwe. Yove unakulaela eci ndi?”

Yowano 11:40

Yesu wendekele kuli ikeye ngwendi, “Kuma kunjakulekele ngwange nga ukulaela ukamona vumpau vwa Njambi ndi?”

Vilinga vya Miluwa 14:9

Watumbamene kuje mukutolilila ku majwi a Paulu. Paulu wamwene ngeci nakulaela, co asa kukanguka, ngecivene, wakengele shwii ali ikeye,