Mateo 9:27 - Livulu lya Shukulu Kalunga

²⁷ Co omo Yesu watundile kuje, tupuputwa vavali vakele kuje vamukavele, vatambekele ngwavo, “Ove muna Ndaviti, tuzivileko mema ku mbunge!”

Mateo 9:27 Iomraidhean Croise

Mateo 1:1

Ou ukewo mukana wa vikota vya vakukulwila va Yesu Kilistu, wa ku cikota ca Ndaviti, na ku cikota ca Avilahama.

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mateo 15:22

Munakazi umo wa ku Kanana uje wakele mu lifuti lije wezile kuli ikeye. Watambekele ngwendi, “Ove muna Ndaviti, mwane njizivileko mema ku mbunge! Munange wa munakazi ali na munzinzime wakujwala, co alinakuyanda manene.”

Mateo 17:15

wendekele ngwendi, “Shukulu, zivilako munange mema ku mbunge! Omwo ali na mushongo wauvi wakushinya omwo visimbu vyavingi akalyumbila-umbila mu liko na mu mema.

Mateo 20:29

Co omo Yesu na vandongisi vendi vatundile ku Yeliko, mbunga yakama yavakavele.

Mateo 21:15

Oloni vakulunu va vaka-kukombelela na valongisi va majwi a Lishiko valuvalele omo vamwene vikomokeso na vyuma vije vyalingile, co vazivile vanike vavandondo vatambekele mu Njuvo ya Shukulu Kalunga ngwavo, “Wakushangazala Muna Ndaviti!”

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Mateo 9:28

Omo Yesu wakovelele mu njuvo, vaje tupuputwa vavali vezile kuli Yesu, co Yesu wavehwile ngwendi, “Kuma yeni mwakulaela ngweni yange njasa kumikangwisa ndi?” Vakevo vamukumbulwile ngwavo, “Eyo shukulu.”

Mako 11:10

Njambi avezikise vumwene vuje vulinakwija vwa Mwene Ndaviti, tatetu! Shangazaleni Njambi!”

Mako 9:22

Co visimbu vyavingi ou munzinzime wakujwala ukashaka kumutsiya akumuwisila mu tuhya na mu mema. Tuzivileko mema ku mbunge nakutukwasa, nga wasa!”

Luka 17:13

co vatambekele ngwavo, “Yesu! Shukulu! Tuzivileko mema ku mbunge!”

Luka 20:41

Yesu wavehwile ngwendi, “Vatijo valinakwendeka ngwavo Wakuvwavesa akapwa wa ku naanga ya Ndaviti?

Luka 7:21

A simbu ije vene Yesu wakangwisile vanu vavangi ku kuvinja kwavo, na ku mishongo yavo, na ku minzinzime yakujwala, co watonesele mesho a vanu vavangi.

Yowano 7:42

Visoneka vyendeka ngwavyo Wakuvwavesa akapwa mutekulwila wa Ndaviti, co akasemukila mu Mbetelehema, mu nganda mwakele Ndaviti.”

Loma 1:3

Vinapu vya Munendi, Mwene yetu Yesu Kilistu, ngwe ku cisemwa cendi ca vunu, wasemukile ku naanga ya Ndaviti,

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.