Mateo 9:26 - Livulu lya Shukulu Kalunga

²⁶ Co lutsimo olu lwashandokelele mu mitambela ya lifuti lyoshe.

Mateo 9:26 Iomraidhean Croise

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Mateo 9:31

Oloni omo vaile vashandwele vije vyavasin̄ikile Yesu mu mutambela woshe wa lifuti lije.

Mako 1:28

Co aje vene lutsimo lwa Yesu lwashandokelele mu lifuti lya Ngalileya mwoshe.

Mako 1:45

Oloni uje munalume waile, co washangumukile kushandola ije n̄anda kwoshe-ikwoshe. Mwa vushunga vene, wambulwile manene ngeci Yesu kasele kuya mu nganda citona-mesho. Oloni wakele kwendi lika, co vanu vezile kuli lkeye vatundile kwoshe-ikwoshe.

Mako 6:14

Mwene Helonde wazivile evi vyoshe, omwo lutsimo lwa Yesu lwaile kwoshe-ikwoshe. Vanu vamo vakele nakwendeka ngwavo, “Yowano Muka-kumbwitika nasanguka ku vatsi! Mukemwo ali na nzili yakama yakulinga vizivukiso.”

Luka 4:14

Yesu welukile ku Ngalileya, co nzili ya Munzinzime Wakujela yakele muli ikeye. Co muzimbu ou washandokelele mu lifuti mwoshe.

Luka 4:37

Co lutsimo lwendi lwashandokelele ku mitambela yoshe ya lifuti lije.

Luka 5:15

Oloni muzimbu ou wa ali Yesu washandokelele kwoshe-ikwoshe, co vimbunga vya vanu vezile nakumutolilila, co wavakangwisile ku mishongo yavo.

Luka 7:17

Co lutsimo olu lwa Yesu lwashandokelele mu Yundeya mwoshe na ku mafuti oshe a kulyata.

Vilinga vya Miluwa 26:26

Omwo Mwene uzivukz vyuma vyoshe evi, co njendeka kuli yove nakusimpa. Njazivuka mwa vushunga ngwange unatambula vyuma evi cimo na cimo, omwo vyuma evi kuvyalingiwilile mu vushweke embwe.