Mateo 9:24 - Livulu lya Shukulu Kalunga

²⁴ wendekele ngwendi, “Tuukeni, muvavoshe! Ou mwanike katsile embwe, oloni nalala lika tulo.” Co voshe vamujolele, nakumushendumuna.

Mateo 9:24 Iomraidhean Croise

Yombi 12:4

Nameme vasamba vange valinakunjijola ololo, valinakujola, nameme nji muka-vushunga na muka-kujeneka mulonga, oloni kwakele simbu imo omo Njambi wakumbulwile malombelo ange.

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Mako 5:40

Co vanu voshe vamujolele, oloni voshe wavashekelele anja, co wakovelelemo lika na ishe ya mwanike na vaina na vandongisi vendi vatatu, co vakovelele ku mulili kuje kwalalele uje mwanike.

Luka 8:53

Vanu vamujolele, omwo vazivukile ngeci mwanike natsi.

Yowano 11:4

Oloni omo Yesu wazivile evi, wendekele ngwendi, “Kuvinja oku kukumutwala ku kutsa embwe, eci cinalingiwa lika ngeci cisholole vumpau vwa Njambi, ngecivene, inapu ngila ije Muna Njambi akatambwilamo vumpau.”

Vilinga vya Miluwa 20:10

Oloni Paulu washulukile asi washuluvalele ali ikeye nakumuvumbatela. Co wendekele ngwendi, “Kesi mulishoshomwene, omwo acili nakuyoya!”

Vilinga vya Miluwa 9:40

Oloni Petulu wavatuwisilemo voshe muje mu mulili, co watsikamene asi nakulombela, asinoni watengulukilile ku civimbi ca Ndokasi, co wendekele ngwendi, “Tambita, induka!” Co watonene, co omo wamwene Petulu, watumbamene.