Mateo 9:22 - Livulu lya Shukulu Kalunga

²² Yesu watengulukile wamumwene, co wendekele ngwendi, “Simpa, munange, kukulaela kwove kunakukangwisa.” Co uje munakazi kutunda simbu ije vene wakangukile.

Mateo 9:22 Iomraidhean Croise

Mateo 15:28

Ngecivene, Yesu wamukumbulwile ngwendi, “Ove munakazi kukulaela kwove kwakama manene! Cilingiwe kuli yove ngwe kukushaka kwove.” Co kutunda a simbu ije vene munendi wa munakazi wakangukile.

Mateo 17:18

Co Yesu washikile uje munzinzime wakujwala, co uje munzinzime wakujwala watundile muli ikeye, co uje mukwenje wakangukile a simbu ije vene.

Mateo 8:13

Co Yesu wendekele kuli uje mukulunu wa mashwalale ngwendi, “Ya kwimbo, cifwe ngoco kuli yove ngwe kukulaela kwove.” Co ngamba yendi wakangukile a simbu ije vene.

Mateo 9:2

Co vanu vamunenelele munalume umo muka-kayekele walalele a linala. Co omo Yesu wamwene kukulaela kwavo, wendekele kuli uje muka-kayekele ngwendi, “Simpa, munange, vivi vyove vanavisambesa.”

Mateo 9:29

Asinoni Yesu wakwatele a mesho avo wendekele ngwendi, “Cilingiwe kuli yeni ngwe kukulaela kweni.”

Mako 10:52

Co Yesu wamulekele ngwendi, “Ya, omwo kukulaela kwove kunakukangwisa.” Co aje vene watonene, co wakavele Yesu mu ngila.

Mako 5:34

Yesu wendekele kuli ikeye ngwendi, “Munange, kukulaela kwove kunakukangwisa. Ya mu kwoloka, co kanguka ku mushongo wove.”

Luka 17:19

Yesu wendekele kuli ikeye ngwendi, “Katuka uye, kukulaela kwove kunakukangwisa.”

Luka 18:42

Asinoni Yesu wendekele kuli ikeye ngwendi, “Mona! Kukulaela kwove kunakukangwisa.”

Luka 7:50

Oloni Yesu wendekele kuli uje munakazi ngwendi, “Kukulaela kwove kunakwamena, ya mu kwoloka.”

Luka 8:48

Yesu wendekele kuli ikeye ngwendi, “Munange, kukulaela kwove kunakukangwisa. Ya mu kwoloka.”

Yowano 4:53

Asinoni ishe wanukile ngeci ikeyo simbu ije Yesu wamulekele ngwendi, “Munove enduka.” Ngecivene, ikeye amo na naanga yendi voshe vakulaelele.

Vilinga vya Miluwa 14:9

Watumbamene kuje mukutolilila ku majwi a Paulu. Paulu wamwene ngeci nakulaela, co asa kukanguka, ngecivene, wakengele shwii ali ikeye,

Vilinga vya Miluwa 16:18

Co walingile eci matangwa amangi, oloni Paulu waviililile, co watengulukile wendekele kuli uje munzinzime ngwendi, “Mu lizina lya Yesu Kilistu njikushika ngwange tunda muli ikeye!” Co uje munzinzime watundile muli ikeye a simbu ije vene.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.