Mateo 9:13 - Livulu lya Shukulu Kalunga

¹³ Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Mateo 9:13 Iomraidhean Croise

Visimo 21:3

Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Mateo 12:3

Yesu wavakumbulwile ngwendi, “Kuma kanda mulave vije vyalingile Ndaviti na vaje vakele amo nendi omo vazivile njala ndi?

Mateo 12:5

Nambe kanda mulave majwi a Lishiko a Mosesa ngwavo vaka-kukombelela vakazilula lishiko lya a Litangwa Lyakuhwima mu Njuvo ya Shukulu Kalunga, oloni kuvesi na mulonga?

Mateo 12:7

Visoneka vyendeka ngwavyo, ‘Yange njishaka kutetela, kunjishaka n̄ombelo ya tusitu.’ Nga mwazivukile mwamuvwa muwalumbunukila majwi awa, nga kumuhisa vaje kuvesi na mulonga.

Mateo 19:4

Yesu wavakumbulwile ngwendi, “Kumwalavele mu visoneka ngeci akulivanga Ishamatanga wavatangele munalume na munakazi ndi?

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mateo 3:2

“Tengulukeni ku vivi vyeni, omwo Vumwene vwa mwilu vuli muyehi!”

Mateo 3:8

Lingeni vyuma vije vimwesa ngeci munatenguluka ku vivi vyeni.

Mateo 4:17

Kutunda a simbu ije Yesu washangumukile kwambulula ngwendi, “Tengulukeni mu vimbunge vyeni ngeci mutunde ku vuvi, omwo Vumwene vwa mwilu vuli muyehi.”

Mako 12:26

Co, ngwe akusanguka kwa vatsi, kuma kumwalavele mu Livulu lya Mosesa alije liputa lyakele nakwenya ndi? Vanasoneka ngwavo Njambi wendekele kuli Mosesa ngwendi, ‘Yange Njambi ya Avilahama, Njambi ya Isake na Njambi Yakomba.’

Mako 12:33

Co munu napande kuzema Njambi na mbunge yendi yoshe, na mana endi oshe, na nzili yendi yoshe, co napande kuzema mundambo wendi ngwe mwalizema ikeye vavenya. Mwamuvwa kwononoka mashiko awa avali kutuvakana kunena tusitu va n̄ombelo nakukombelela lalo vin̄ombelo vikwavo kuli Njambi.”

Mako 2:17

Co omo Yesu wazivileko, wendekele navo ngwendi, “Vakangule kuvesi kusetela cimbanda embwe, kuvanga vaka-kuvinja lika. Yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Luka 10:26

Yesu wamukumbulwile ngwendi, “Visoneka vinendeka vati? Ukavinungulula vati?”

Luka 19:10

Muna Munu wezile nakushakezeka nakwovola vaka-kuzimbala.”

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Luka 5:31

Yesu wavakumbulwile ngwendi, “Vakangule kuvesi kusetela cimbanda embwe, kuvanga vaka-kuvinja lika.

Luka 5:32

Omwo yange kunjezile mukusana vanu vaje vanalimono vakevo vavenya ngwavo vaka-vushunga ngeci vatenguluke, oloni vanu vaje vaka-vuvi.”

Yowano 10:34

Yesu wakumbulwile ngwendi, “Mu Lishiko lyeni vanasoneka ngwavo Njambi wendekele ngwendi, ‘Munapu mu vinjambi.’

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.