Mateo 9:12 - Livulu lya Shukulu Kalunga

¹² Oloni omo Yesu wazivileko, co wendekele navo ngwendi, “Vakangule kuvesi kusetela cimbanda embwe, oloni kuvanga vaka-kuvinja lika.

Mateo 9:12 Iomraidhean Croise

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Myaso 41:4

Njendekele ngwange, “Njizivileko mema ku mbunge yove Shukulu Kalunga, njikangwise omo njinavulumuna kuli yove!”

Myaso 6:2

Yove Shukulu Kalunga, njizivileko mema ku mbunge, co kangwisa muvila wange wakuzeya, vitsiya vyange vilinakujaja na lyova.

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Njelemiya 8:22

Nga mu Ngilyande mwakele vyemba, nambe nga mwakele vimbanda, omwo vikajo vanu vange kuvakangukile?

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Mateo 18:11

Omwo Muna Munu wezile mukwamena vaka-kuzimbala.

Mako 2:17

Co omo Yesu wazivileko, wendekele navo ngwendi, “Vakangule kuvesi kusetela cimbanda embwe, kuvanga vaka-kuvinja lika. Yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Luka 5:31

Yesu wavakumbulwile ngwendi, “Vakangule kuvesi kusetela cimbanda embwe, kuvanga vaka-kuvinja lika.

Luka 8:43

Akati kavo akele munakazi umo wakele na mushongo wakwita maninga myaka likumi na ivali, washandwele vimbongo vyendi vyoshe ku vimbanda, oloni naumo wai wasele kumukangwisa.

Luka 9:11

Omo mbunga vazivile evi, co vamukavele. Wavatambwile nakuvambulwila vya Vumwene vwa Njambi nakukangwisa vaje vakele nakuvinja.

Kolose 4:14

Luka, cimbanda cetu itwazema, na Ndemase vanatumu viindu kuli yeni.