Mateo 8:6 - Livulu lya Shukulu Kalunga

⁶ “Shukulu, ngamba yange nalala mu njuvo alinakuvinja mushongo wa kayekele, co alinakuyanda manene.”

Mateo 8:6 Iomraidhean Croise

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Mateo 8:7

Yesu wamukumbulwile ngwendi, “Njiija nakumukangwisa.”

Mateo 9:2

Co vanu vamunenelele munalume umo muka-kayekele walalele a linala. Co omo Yesu wamwene kukulaela kwavo, wendekele kuli uje muka-kayekele ngwendi, “Simpa, munange, vivi vyove vanavisambesa.”

Vilinga vya Miluwa 10:7

Asinoni uje kangelo waile, co Konelyasi wasanene vangamba vavali va mu njuvo yendi na lishwalale. Lishwalale uje wapwile umo wa vaka-kumupangela. Wapwile wa kulongwa.

Vilinga vya Miluwa 8:7

Omwo minzinzime yakujwala yatundile muli vanu vavangi yatambekele na lijwi lyakama, vavangi vaka-tulepa na vilema vakangukile.

Vilinga vya Miluwa 9:33

Kuje kwakele munalume umo lizina lyendi Aeneyase uje wapwile muka-kalepa kasele kutunda a vulili a myaka itanu na itatu.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

Kolose 4:1

Eni vashukulu, lingeni mwamuvwa na vushunga kuli vindungo veni. Anukeni ngweni neni muli na Shukulu.

1 Timateo 6:2

Vindungo vaje vanakundama kuli vashukulu yavo vaje vanapu vaka-Yesu kesi vavayeluwise omwo vakevo vanapu vakwavo. Mu ngila eyi vene, vanapande kuvapangela mwamuvwa, omwo vaje vavezika ku vipangi vyavo vanapu vaka-kukulaela vaje vavazema. Unapande kulongesa nakwambulula vyuma evi.

Filimoni 1:16

Co ololo ikeye kesi ndungo lalo, oloni ololo natuvakana ndungo, ikeye napu musamba wa cizemo na ndolome muli Kilistu. Oloni ololo ali na mbwase kuli yange! Co akakala na mbwase yakama lalo kuli yove, vyoshe vivali, ndungo na ndolome muli Mwene!