Mateo 8:5 - Livulu lya Shukulu Kalunga

⁵ Omo Yesu wakovelele mu Kapenauma, mukulunu wa mashwalale va Loma wezile kuli ikeye, wamulombele ngwendi,

Mateo 8:5 Iomraidhean Croise

Mateo 11:23

Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mateo 4:13

Katumbamene kuje ku Nazaleta embwe, oloni waile ku Kapenauma, limbo lije lyakele kuyehi na Lishali lya Ngalileya, mu lifuti lya Zembuloni na lifuti lya Nafetali.

Mateo 9:1

Yesu wakovelele mu vwato, wajavukile musambwa ya lishali, co wezile kwimbo lyendi.

Mako 15:39

Co mukulunu wa mashwalale uje wemanene kulutwe lwa cilindakano omo wamwene muje mwatsile Yesu wendekele ngwendi, “Mwa vushunga munalume ou wapwile Muna Njambi!”

Mako 2:1

Co omo kwetile lika matangwa amandondo Yesu welukile ku Kapenauma, co muzimbu washandokele ngwavo ali kwimbo.

Vilinga vya Miluwa 22:25

Oloni omo vamukutile ngeci vamupupe, Paulu wendekele kuli mukulunu uje wemanene kuje ngwendi, “Kuma linapu lishiko kupupa mundambo wa mu lifuti lya Loma uje kuvasompelo ngeci vawane mulonga wanalingi ndi?”

Vilinga vya Miluwa 23:17

Asinoni Paulu wasanene umo wa vaje vamyata wendekele kuli ikeye ngwendi, “Twaleni ou mukwenje kuli muka-kushika mashwalale, alinavimo ashaka kumuleka.”

Vilinga vya Miluwa 23:23

Asinoni uje muka-kushika mashwalale wasanene vamyata vendi vavali, co wendekele ngwendi, “Ambateni mashwalale vakupwa 200 valivwaesele vaye ku Sesaliya, amo na makumi atanu na avali a vaka-kwendela a tuvalu na mashwalale vakupwa 200 vaka-kulwa na makunga, livwaeseleni kukatuka a ola yamucitanu na viwana vutsiki vuno vene.

Vilinga vya Miluwa 27:13

Co lihunzi lyalindondo lyatundile mu mbwela lyashangumukile kuhuwa, co vaje vanalume vayongwele ngwavo vasa kutwalao na vutumbe vwavo, ngecivene, vakokele n̄ove ya vwato nakujavuka kwita kuyehi na cikuma ca Kelete.

Vilinga vya Miluwa 27:31

Oloni Paulu wendekele kuli uje mukulunu wa mashwalale ngwendi, “Nga ava vaka-kujavula kuvakala mu vwato, kumwasa kwovoka.”

Vilinga vya Miluwa 27:43

Oloni uje mukulunu wa mashwalale washakele kwamena Paulu, ngecivene, wavavindikile kulinga cuma eci. Oloni washikile vaje voshe vasele kujwela valivange kujombokela mu mema ngeci vaye ku nunda,

Vilinga vya Miluwa 9:38

Yopa yakele kuyehi na Linda, co omo vandongisi vaje vakele mu Yopa vazivile ngwavo Petulu ali mu Linda vatumine lijwi na vanalume vavali kuli ikeye ngwavo, “Mwane, munapande kwija vwasi kuno kuli yetu.”