Mateo 8:4 - Livulu lya Shukulu Kalunga

⁴ Co Yesu wamulekele ngwendi, “Tolilila! Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Mateo 8:4 Iomraidhean Croise

Isaya 42:21

Shukulu Kalunga wapwa Njambi uje ashaka kwamena, ashaka mashiko endi na vilongesa vyendi, ngeci vanu vendi vavyononoke.

VaLevi 13:49

nga ikeyo yavushompo, nambe yakuvenguluka, inapu mbundu-mbundu vene. Co vanapande kusholola vuje vuzalo kuli muka-kukombelela.

Mateo 10:18

Co vakamitwala ku mesho a vaka-kushwana, na ku mesho a vimyene, omwo lizina lyange, ngeci mukambulule Vin̄anda Vyavivwa kuli vakevo na kuli vanu vaje kesi vaYunda.

Mateo 16:20

Asinoni Yesu wasin̄ikile vandongisi vendi ngwendi kesi valekeko munu umo ngwavo ikeye Kilistu Wakuvwavesa.

Mateo 17:9

Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, kuvanga noo Muna Munu nasanguka ku vatsi.”

Mateo 3:15

Oloni Yesu wamukumbulwile ngwendi, “Njitave ololo vene omwo catupande kupwisamo vushunga vwoshe.” Co Yowano wamutavele.

Mateo 5:17

“Kesi muyongole ngweni njinaija nakuzimangana Lishiko lya Mosesa nambe vilongesa vya vaka-kwimanena embwe, kunjezile nakuvizimangana, oloni njinaija nakuvishulisa.

Mateo 6:1

“Nyanyameni kutewa mulingila vushunga vweni ku mesho a vanu ngeci vanu vamone vije vimulinakulinga. Nga mulinga vyuma vije ku mesho a vanu, kumukatambula cikandelela kuli Ishweni uje ali mwilu.

Mateo 9:30

Co mesho avo atonene. Co Yesu wavasin̄ikile ngwendi, “Kesi mulekeko munu umo embwe.”

Mako 13:9

“Oloni munapande kunyanyama. Omo vakamikwata nakumitwala ku vimbanja nakumisompa. Co vakamipupa mu masinangonge avo, co vakamimika ku mesho a vaka-kushwana na kuli vimyene omwo lizina lyange, mukavaleke Vin̄anda Vyavivwa.

Mako 3:12

Co Yesu wasin̄ikile manene minzinzime yakujwala kesi valeke munu umo ngeci ikeye napu iya.

Mako 5:43

Oloni Yesu wavasin̄ikile manene ngwendi kesi valekeko munu umo, co wavalekele ngwendi, “Mwaneni vyakulya alye.”

Mako 6:11

Co nga muketa ku nganda imo kuje vanu kuvakamitambula mwamuvwa nambe kumitolilila, tundeniko, co totomoneni likungu ku myanja yeni. Eci cikapwa vukaleo kuli vakevo.”

Mako 7:36

Asinoni Yesu wasin̄ikile vanu ngeci kesi valekeko munu a cuma eci, oloni nameme wavasin̄ikile ngeci kesi vambulule, vakevo vambulwile na nzili.

Mako 8:30

Asinoni Yesu wavasin̄ikile ngwendi, “Kesi mulekeko munu umo vya ali yange.”

Mako 9:9

Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, noo Muna Munu nasanguka ku vatsi.”

Luka 17:14

Yesu wavamwene wendekele kuli vakevo ngwendi, “Yeni kuli vaka-kukombelela ngeci vakamiilule.” Omo vakele nakuya, co vajelele.

Luka 21:13

Co eyi ikapwa simbu yaivwa kuli yeni yakwambulula Vin̄anda Vyavivwa.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Luka 5:14

Yesu wamusin̄ikile ngwendi, “Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Luka 8:56

Co visemi vendi valikomokelele, oloni Yesu wavashikile ngeci kesi valekeko munu umo vyuma vije vyalingiwile.

Luka 9:21

Asinoni Yesu wavasin̄ikile ngwendi kesi valekeko munu umo cuma eci.

Yowano 5:41

“Kunjishaka ngeci vanu vanjishangale embwe.

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Yowano 8:50

Oloni yange kunjishaka kulyana kasingimiko embwe. Kwali umo ashaka, co ikeye akapwa lyaako.