Mateo 8:3 - Livulu lya Shukulu Kalunga

³ Co Yesu wolwele livoko lyendi wamukwatele, wendekele ngwendi, “Njishaka, jela.” Co aje vene wajelele ku mushongo wendi wa mbumba.

Mateo 8:3 Iomraidhean Croise

Kushangumuka 1:3

Asinoni Njambi wendekele ngwendi, “Kukale ceke.” Co ceke casholokele.

2 Vimyene 5:11

Oloni Namane wateketele, co waile, wendekele ngwendi, “Yange njayongwele ngwange amo akaija kuli yange, nakulombela mu lizina lya Shukulu Kalunga Njambi yendi, nakwolwela livoko lyendi aje a cipapi ca mbumba nakunjikangwisa!

2 Vimyene 5:14

Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Kutuuka 4:7

Asinoni Shukulu Kalunga wendekele kuli ikeye ngwendi, “Ilwisila lalo livoko lyove mukati ka cikoveyo a nulo yove.” Co Mosesa welwisilile lalo livoko lyendi mukati ka cikoveyo a nulo yendi, co omo walitundisilemo, kengeni lyapwile lyalivwa ngwe muje muwapwile muvila wendi laja.

Mateo 12:13

Asinoni Yesu wendekele kuli uje munu ngwendi, “Olola livoko lyove.” Co wolwele livoko lyendi, co lyakangukile nakupwa amo nalikwavo.

Mako 1:41

Yesu wamuzivilile mema ku mbunge, co wolwele livoko lyendi, wamukwatele, wendekele ngwendi, “Njishaka, jela!”

Mako 4:39

Co Yesu wemanene washikile lihunzi ngwendi, “Oloka kuluu!” Co lalo washikile mankimba ngwendi, “Kukale kulendama kuluu!” Co lihunzi lyemanene, co kwolokele kuluu.

Mako 5:41

Ikeye wakwatele ku livoko lya uje mwanike, co wendekele kuli ikeye ngwendi, “Talita kumi,” kulumbununa ngwavo, “Mwanike wa munakazi, njikuleka ngwange induka!”

Mako 7:34

Asinoni Yesu wakengele mwilu, walisisumwine, wendekele kuli uje munalume ngwendi, “Efefata.” Kulumbununa ngwavo, “Shokolola!”

Mako 9:25

Co omo Yesu wamwene ngeci mbunga ije yakele nakumusindakana, ngecivene, washikile uje munzinzime wakujwala ngwendi, “Ove munzinzime wakujwala wa vusinda-matwi na vuveveve, njikushika ngwange tundamo muli ou mukwenje kesi ukelukile muli ikeye lalo!”

Luka 4:27

Co vaka-mbumba vavangi vakele mu Isalele a simbu ya Elisha muka-kwimanena, oloni naumo wai wajelele kuvanga lika Namane wa ku Silya.”

Luka 5:13

Yesu wolwele livoko lyendi wamukwatele wendekele ngwendi, “Njishaka, jela!” Aje vene mbumba yamutundile.

Luka 7:14

Asinoni Yesu waile wakakwatele ku vwango, co vaje tufunde vemanene. Yesu wendekele ngwendi, “Ove mukwenje! Njikuleka ngwange induka!”

Yowano 11:43

Omo wamanesele kwendeka evi, watambekele na lijwi lyakama ngwendi, “Lazalu, tuukamo!”

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.