Mateo 8:2 - Livulu lya Shukulu Kalunga

² Asinoni munu umo wakele nakuyanda na mushongo wa mbumba wezile watsikamene ku mesho endi, wendekele ngwendi, “Shukulu, nga mushaka, mwasa kunjijelesa.”

Mateo 8:2 Iomraidhean Croise

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

2 Vimyene 15:5

Co Shukulu Kalunga watumine mushongo wa mbumba ali Uziya, wakele nawo mukuyoya kwendi kwoshe. Wakele mu njuvo yendi endi lika, co wecelele vipangi vyoshe, oloni munendi Yotame washwanene lifuti.

2 Vimyene 5:1

Namane wapwile muka-kushika mashwalale va Silya, mwene wa Silya wamusingimikile nakumuzema manene, omwo ali Namane Shukulu Kalunga waanene mashwalale va Silya nzili yakuhyana. Namane wapwile lishwalale wa nzili, oloni wakele na mushongo wa mbumba.

2 Vimyene 5:27

Co ololo mushongo wa mbumba uje wakele kuli Namane ukaija kuli yove, co yove na vatekulwila vove mukakala na mbumba myaka yoshe!” Omo Ngehazi watundile kuli Elisha, aje vene wakele na mushongo wa mbumba, co cikonde cendi catokolokele ngwe mbundu.

Kulava 12:10

Co omo lishelwa lyatundile a Mbalaka, kengeni Milyamu wakele na mushongo wa mbumba. Omo Alone wamukengele wamwene ngeci ali na mbumba,

Mateo 10:8

Kangwiseni vaka-kuvinja, sanguleni vatsi, jeleseni vaka-mbumba, co nakutundisa minzinzime yakujwala. Yeni munavitambula vyangoco kujeneka kufweta, ngecivene, neni lalo aneni ngoco kujeneka kutambulao cimo.

Mateo 13:58

Co kalingile vizivukiso vyavingi kuje omwo kuvakulaelele.

Mateo 14:33

Asinoni vandongisi vaje vakele mu vwato valemesele Yesu vendekele ngwavo, “Mwa vushunga vene yove u Muna Njambi!”

Mateo 15:25

Oloni uje munakazi wezile kuli ikeye nakuwila ku myanja yendi wendekele ngwendi, “Shukulu, njikwaseniko.”

Mateo 18:26

Ngecivene, uje ngamba watsikamene asi ku mesho a mwene ngwendi, ‘Acinjivandameneko tai, co njikakufwetela vyuma vyoshe!’

Mateo 2:11

Co vakovelele mu njuvo, vamwene mwanike na vaina Maliya, co vatsikamene nakumulemesa. Asinoni vafukwile mu vinjeke vyavo, co vamwanene vwana vwa ngolinde na fulankininsense na miila.

Mateo 20:20

Asinoni munakazi wa Zembendeo wezile kuli Yesu na vana vendi va vanalume vavali, co watsikamene a mavuli ku mesho a Yesu nakumulomba cuma cimo.

Mateo 26:6

Omo Yesu wakele mu Mbeteniya ku njuvo ya Simoni, munalume umo uje wayandele manene ku mushongo wa mbumba.

Mateo 28:17

Co omo vamumwene, vamulemesele, oloni vamo vakele na vimata.

Mateo 28:9

Co Yesu waliwanene navo nakwendeka ngwendi, “Kwoloka kukale neni.” Co vezile nakumukwata ku mendi, co vatsikamene nakumulemesa.

Mateo 4:9

Co Liyavola wendekele kuli ikeye ngwendi, “Nga utsikama a mavuli nakunjilemesa, co vyoshe evi vikapwa vyove.”

Mateo 8:1

Omo Yesu washelumukilile ku munkinda, mbunga yakama vamukavele.

Mateo 8:25

Vandongisi vendi vaile kuli ikeye nakumwindula ngwavo, “Twovole Mwene. Tushaka kutsa.”

Mateo 9:18

Omo Yesu acili nakwendeka navo vyuma evi, kengeni, mukulunu umo wa vaYunda wezile kuli ikeye, co watsikamene a mavuli endi ku mesho a Yesu wendekele ngwendi, “Munange wa munakazi natsi simbu ino vene, oloni tuye ukamukambeke mavoko, co akayoya.”

Luka 4:27

Co vaka-mbumba vavangi vakele mu Isalele a simbu ya Elisha muka-kwimanena, oloni naumo wai wajelele kuvanga lika Namane wa ku Silya.”

Yowano 9:38

Uje munalume wendekele ngwendi, “Mukemwo vene Mwene, njinakulaela!” Co watsikamene a mavuli ku mesho a Yesu.

Vilinga vya Miluwa 10:14

Oloni Petulu wakumbulwile ngwendi, “Embwe Mwene! Omwo kanda njicilye cuma cimo cakujwala nambe cakujeneka kujela.”

Vilinga vya Miluwa 10:25

Omo Petulu wakele nakukovela, Konelyasi wamusheshele, co watsikamene a mavuli ku myanja yendi nakumulemesa.

1 Kolinte 14:25

viyongola vyavo vyakushweka vikasholoka akujela, co vakatsikama a mavuli nakulemesa Njambi nakulitavela ngwavo, “Mwa vushunga Njambi ali neni kuno!”

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.