Mateo 8:18 - Livulu lya Shukulu Kalunga

¹⁸ Omo Yesu wamwene vimbunga vyakama vanamuzengeleka, walekele vandongisi vendi ngeci vaye musambwa ya lishali.

Mateo 8:18 Iomraidhean Croise

Mateo 14:22

Asinoni Yesu wasindiiye vandongisi vendi ngeci vakovele mu vwato valivange kuya kulutwe musambwa ya lishali, simbu ikeye acishandola vanu ngeci vaye.

Mateo 8:1

Omo Yesu washelumukilile ku munkinda, mbunga yakama vamukavele.

Mako 4:35

A litangwa lije vene ku cingwezi Yesu wendekele kuli vandongisi vendi ngwendi, “Tujavukeni tuye musambwa ya lishali.”

Mako 5:21

Co omo Yesu wajavukilile lalo musambwa ya lishali ku mutambela ukwavo. Kuje ku kenge ya lishali kwakele mbunga yakama yamuzengelekele.

Mako 6:45

Aje vene Yesu wasindiiye vandongisi vendi ngeci vakovele mu vwato valivange kuya kulutwe ku Mbetesainda, musambwa ya lishali, omo simbu ikeye acili nakushandola vanu ngeci vaye.

Mako 8:13

Co wakatukile waile, wakovelele mu vwato, co wajavukile kuya musambwa ya lishali ku mutambela ukwavo.

Luka 8:22

A litangwa limo Yesu wakovelele mu vwato na vandongisi vendi, co wendekele kuli vakevo ngwendi, “Tujavukeni tuye musambwa ya lishali.” Ngecivene, vasunwine vwato.

Yowano 6:15

Yesu wazivukile ngeci vashakele kumukwata ngeci vamupwise mwene yavo, ngecivene, waile ku malundu endi lika.