Mateo 8:16 - Livulu lya Shukulu Kalunga

¹⁶ Omo vetele ku cingwezi, vanu vanenele vanu vavangi vaka-minzinzime yakujwala kuli Yesu, co Yesu wavatundisile minzinzime yakujwala na lijwi, co wakangwisile voshe vaje vavinjile.

Mateo 8:16 Iomraidhean Croise

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Mateo 12:22

Asinoni vamunenelele munalume umo wa kapuputwa na vuveveve omwo wakele na munzinzime wakujwa. Yesu wamukangwisile, ngecivene, uje munalume wasele kumona nakwendeka.

Mateo 14:14

Yesu watundile mu vwato, co omo wamwene mbunga yakama, wavazivilile mema ku mbunge, co wakangwisile vaje vakele nakuvinja.

Mateo 8:15

Yesu wamukwatele ku livoko, co lisika-sika lyamutundile, wendukile nakushangumuka kuvapangela.

Mateo 8:33

Vaje vanu vaka-kunyunga vingulu vashatukilile ku nganda, co vakambulwile vin̄anda vyoshe kuje, co nevi vyalingiwile ali vaje vanu vaka-minzinzime yakujwala.

Mateo 9:2

Co vanu vamunenelele munalume umo muka-kayekele walalele a linala. Co omo Yesu wamwene kukulaela kwavo, wendekele kuli uje muka-kayekele ngwendi, “Simpa, munange, vivi vyove vanavisambesa.”

Mako 2:3

co vanalume vawana vezile, vanenele munalume muka-kayekele kuli Yesu.

Mako 5:8

Ou munalume wendekele evi omwo Yesu wendekele kuli ikeye ngwendi, “Ove munzinzime wakujwala, tunda muli munu ou!”)

Mako 9:25

Co omo Yesu wamwene ngeci mbunga ije yakele nakumusindakana, ngecivene, washikile uje munzinzime wakujwala ngwendi, “Ove munzinzime wakujwala wa vusinda-matwi na vuveveve, njikushika ngwange tundamo muli ou mukwenje kesi ukelukile muli ikeye lalo!”

Luka 13:12

Omo Yesu wamumwene, wamusanene nakwendeka kuli ikeye ngwendi, “Munakazi, unakanguka ku kuvinja kwove.”

Luka 4:40

Ku cingwezi akulauka kwa litangwa, vaje voshe vakele nakuvinja mishongo yakuliseza-seza vavanenele kuli Yesu, voshe wavakambekele mavoko nakuvakangwisa.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Vilinga vya Miluwa 5:15

Ngecivene, a vije vivalingile miluwa, vaka-kuvinja vakele nakuvambata a malili naa manala nakuvatwala ku vitapalo ngeci munzinze wa Petulu wite akamwa ya vamo omo aita kuyehi.