Mateo 7:6 - Livulu lya Shukulu Kalunga

⁶ “Kesi mwane tutali vije vyakujela, co vakamitengulukila nakumilwisa, kesi mumbile makwalale ku vingulu, co vakaalyatangela na vimbemba vyavo.

Mateo 7:6 Iomraidhean Croise

Visimo 11:22

Vuvwa vwa munakazi wa mana, vunalifu na kanzeya ka ngolinde kali ku lijulu lya ngulu.

Visimo 23:9

Kesi wendeke na cilema, omwo kasa kuvwaelela na majwi a mana.

Visimo 26:11

Cilema uje alinga lalo vya vulema vwendi, napu ngwe katali uje elukila lalo vije vyanashanjele.

Visimo 26:4

Kesi ukumbulule cilema ngwe ku vulema vwendi, kutewa nove lalo ufwa ngwe ikeye.

Mateo 15:26

Co wamukumbulwile ngwendi, “Kesi mwamuvwa kwana vyakulya vya vanike ku tutali.”

Mateo 24:10

Co vavangi kuvakanjikulaela a simbu ije, co vakalyenda vungungu umo na mukwavo.

Mateo 7:5

Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

2 Kolinte 11:26

Co mu mangenzi ange amangi njakele manene mu vushonde vwa mavazi na ku vezi, mu vushonde vwa vakwetu vaYunda na vaje kesi vaYunda, na vushonde lalo vwa mu vinganda, na vushonde lalo mu mambo, na vushonde lalo vwakama a mema a kalunga, na vushonde lalo vwa kuli vasamba va makuli.

Filipu 3:2

Nyanyameni kuli vaje valinakulinga vyuma vyavivi, vaje tutali, vanu vaje vakala na futisi yakulilengozola a mivila yavo.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 6:6

Co nga vaje vombilile kukulaela kwavo! Kucitava kuvelwisa ngeci vatenguluke lalo, omwo vakevo valinakushukika Muna Njambi lalo nakumushawisa ku mesho a mbunga.

2 Petulu 2:22

Vije vyalingiwile kuli vakevo visholola ngeci kuma visimo vinapu vya vushunga ngwavo, “Katali elukila vije vyanashanja,” co “Ngulu uje ivanajwelesa aya nakulilomba mu mandova.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.