Mateo 7:24 - Livulu lya Shukulu Kalunga

²⁴ “Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

Mateo 7:24 Iomraidhean Croise

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 119:130

Kununguluka kwa vilongesa vyove kwana ceke, kwana mana kuli vaje kuvazivuka.

Myaso 119:99

Omwo njiyongola a mashiko ove, njili na mana manene kutuvakana valongisi vange voshe.

Visimo 10:25

Lihunzi lyakama liija, co vaka-vuvi vakapekumukila kulyala, oloni vaka-kulongwa Njambi akavemanesa mbe.

Visimo 10:8

Munu muka-mana akatava kumunangula. Oloni vaka-kwendeka vya vulema vakanyonga.

Visimo 12:7

Vaka-vuvi vakavalwisa, co kuvaseze vatekulwila, oloni voshe vaje vaka-vushunga kuvakavawisila asi.

Visimo 14:8

Omwo vikajo munu wakunyanyama ali na mana? Omwo azivuka vije vyanapande kulinga. Omwo vikajo cilema wapwa cilema? Omwo akayongola ngeci azivuka vyuma.

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Mateo 25:2

Vatanu vapwile vakweva, co vatanu lalo vapwile vakunyanyama.

Mateo 25:4

Oloni vaje vakunyanyama vambatele mazi mu malulu amo na vindeya vyavo.

Mateo 25:9

Oloni vaje vakunyanyama vavakumbulwile ngwavo, ‘Embwe, kutupwisamo neni netu. Yeni ku vaka-kulandesa mukalilandele yeni vavenya.’

Mateo 7:25

Nyonzi yanyokele, livazi lyezile, co lihunzi lyakama lyahuwile nakuningangesa ije njuvo. Oloni kuyawile, omwo vaitungilile a limanya.

Mateo 7:26

“Oloni woshe aziva majwi ange awa, co kawononoka, co napu ngwe munalume uje wakweva watungilile njuvo yendi a lishen̄avu.

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Yowano 13:17

Nga mwazivuka vyuma evi, mukavezika nga mukavilinga!

Yowano 14:15

“Nga munjizema, mukononoka mashiko ange.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 15:14

Yeni munapu vasamba vange nga mulinga evi njimishika.

Loma 2:13

Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko.

1 Yowano 2:3

Nga twononoka mashiko a Njambi, co mwa vushunga vene tunamuzivuka.