Mateo 7:16 - Livulu lya Shukulu Kalunga

¹⁶ Mukavazivukila ku vilinga vyavo. Miti ya mambimbo kuyasa kwima mikolovozi ya vushuka vwa vinyu, nambe mimpundukaina kuyasa kwima mikuyu.

Mateo 7:16 Iomraidhean Croise

Visimo 20:11

Vilinga vyavivwa nambe vilinga vyavivi vije vyalinga mwanike, visholola cifwa ca uje mwanike.

Mateo 12:33

“Kukala na muti wauvwa, co na vushuka vwawo vwavuvwa, nga muti vautumbula wauvi, na vushuka vwawo vwavuvi. Muti vauzivukila ku vushuka vwawo.

Mateo 7:20

Ngecivene, vaka-kwimanena va makuli mukavazivukila ku vilinga vyavo.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”

Yakomba 3:12

Vasamba vange, kuma muti wa mukuyu wasa kwima olive ndi? Nambe mukolovozi wa vushuka vwa vinyu wasa kwima mikuyu ndi? Nambe lisima lya mema a mwongwa lyasa kutuula mema akutovala ndi?

1 Samwele 24:13

Uzivuka visimutwiya vya va san̄ulu ngwavo, ‘Vuvi vakavulingi lika vanu vaje vaka-vuvi.’ Ngecivene, yange kunjikakuvulumuna embwe.