Mateo 7:11 - Livulu lya Shukulu Kalunga

¹¹ Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Mateo 7:11 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

2 Samwele 7:19

Nameme ngoco anga ucili nakuwezelelako lalo, Shukulu Kalunga wa Akamwa ya Vyoshe, unanjikulaesa cikulaeso ca vatekulwila vange ku myaka ya kulutwe. Co unatava munu ngeci amone evi, Shukulu Kalunga wa Akamwa ya Vyoshe!

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 85:12

Mwa vushunga Shukulu Kalunga, akana vije vyavivwa, co tukateja vimbuto vyavingi mu lifuti lyetu.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Njelemiya 33:14

Shukulu Kalunga wendekele ngwendi, “Simbu ilinakwija omo njikashulisa cikulaeso cije njalingile na vanu va mu Isalele na mu Yunda.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Mateo 23:9

Co kumwapandele kutumbula munu umo wa ano asi ngweni, ‘Tatetu,’ embwe, omwo muli na Ishweni umolika mwilu.

Mateo 7:10

Nambe nga munendi amulomba isi, co ikeye amwana linyoka?

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 3:9

Vationi? Kuma yetu vaYunda tunapu tuvavavwa kutuvakana vaje kesi vaYunda ndi? Kesi ngoco embwe! Omwo njamilekele laja ngwange vaYunda na vaje kesi vaYunda voshe vali mu nzili ya vuvi.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

Ngalatiya 3:22

Oloni visoneka vyendeka ngwavyo kaye koshe kali mwisi ya nzili ya vuvi, co vwana vwa cikulaeso vwa kukulaela muli Yesu Kilistu vanavwana kuli vaje vakulaela.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.

1 Yowano 4:10

Omu mukemwo mucafwa cizemo, kesi yetu twazema Njambi, oloni ikeye watuzemene nakutuma Munendi kupwa n̄ombelo ngeci vivi vwetu vanavisambesa.