Mateo 6:9 - Livulu lya Shukulu Kalunga

⁹ Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Mateo 6:9 Iomraidhean Croise

2 Samwele 7:26

Lizina lyove likapwa lyakama simbu yoshe, co vanu vakendeka ngwavo, ‘Shukulu Kalunga Muka-nzili yoshe ikeye Njambi ya Isalele.’ Co yove ukakolesa vushwana vwange simbu yoshe.

1 Vimyene 8:43

tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

1 Mizimbu 17:24

Lizina lyove likapwa lyakama, co vanu simbu yoshe vakendeka ngwavo, ‘Shukulu Kalunga Muka-nzili yoshe ikeye Njambi ya Isalele!’ Co ukanyunga vumwene vwange simbu yoshe.

2 Mizimbu 20:6

walombelele na lijwi lyakama ngwendi, “Yove Shukulu Kalunga Njambi ya vakukulwila vetu, yove washwana mwilu na mafuti oshe a mu kaye. Yove wakala na nzili, naumo wai asa kukuyeluwisa.

Nehemiya 9:5

VaLevi ava, Njeshuwa, na Kandimyele, na Mbani, na Hashambeneya, na Sheleviya, na Hondiya, na Shembaniya, na Petahiya, vendekele ngwavo, “Imaneni mushangazale Shukulu Kalunga Njambi yeni, mushangazaleni ku myaka yoshe. Munu woshe ashangazale lizina lyendi lya vumpau. Naumo wai asa kushangazala vukama vwendi.”

Myaso 111:9

Shukulu Kalunga waamenene vanu vendi, nakulikumiiya navo cikumiiyo ca ku myaka yoshe. Lizina lyendi lyapwa lyakujela nakukomokesa!

Myaso 115:3

Njambi yetu ali mwilu, akalingi vyoshe vije ashaka.

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Ezekiyele 36:23

Omo njisholola kujela kwa lizina lyange lyakama, lizina lije limwazivisile shwamwa akati kavo, asinoni vakazivuka ngeci yange njapwa Kalunga.’ Munjinendeka yange Kalunga wa Akamwa ya Vyoshe. Njikamipangesa mukumwesa miyati ngeci kuma njapwa wakujela.

Ezekiyele 38:23

Mu ngila eyi njikamwesa miyati yoshe ngeci yange njapwa nji wakama, co njapwa wakujela. Asinoni vakazivuka ngeci yange njapwa Kalunga.”

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Hambakuke 2:14

Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 10:29

Kuma kuvesi kulanda tunzilili vavali na mbongo imo indi? Co kanzilili naumo wai akatsi kujeneka cizango ca Ishweni.

Mateo 23:9

Co kumwapandele kutumbula munu umo wa ano asi ngweni, ‘Tatetu,’ embwe, omwo muli na Ishweni umolika mwilu.

Mateo 26:29

Njimileka ngwange, kutunda lelo kunjikanu neni lalo vinyu kuvanga noo a litangwa lije njikanwa neni vyaviha mu Vumwene vwa Tate.”

Mateo 26:42

Lalo simbu yamucivali waile, co walombelele ngwendi, “Tate, nga nganja eyi ya tuyando kuyasa kunjituvakana kuvanga njiinwe, cizango cove cilingiwe.”

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Mateo 6:14

“Omwo nga musambesa vakweni ku milonga yavo, Ishweni ali mwilu akamisambesa yeni lalo.

Mateo 6:6

Oloni yove omo ulombela, ya ku mulili wove, nakushoka ku cikolo, co lombela kuli Isho, uje kuwasa kumona. Co Isho uje muka-kumona vije ukalingi mu vushweke, akakwana cikandelela cove.

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Luka 15:18

Njikakatuka nakuya kuli tate, co njikendeka ngwange, tate, njinalingi vuvi ku mesho a Njambi na ku mesho ove.

Luka 15:21

Co uje mwana wendekele kuli ikeye ngwendi, ‘Tate, njinalingi vuvi ku mesho a Njambi na ku mesho ove, kunjapandele lalo unjitumbule nji munove.’

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Yowano 20:17

Yesu wamulekele ngwendi, “Kesi unjikwate, omwo kanda njilonde kwilu kuli Tate. Oloni ya kuli vasamba vange ukavaleke ngwove njilinakwiluka kuli Tate ikeye Ishavo, kuli Njambi yange ikeye Njambi yavo.”

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

Ngalatiya 1:1

Mukanda wakutunda kuli Paulu, muluwa kesi wakusana ku cizango ca vanu nambe kwitilila muli munu umo, oloni ali Yesu Kilistu na Njambi Tate, uje wamusangwile ku vatsi.

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

1 Timateo 6:16

Ikeye lika kesi kutsa, wayoya mu ceke cije naumo wai asa kushwenyako. Naumo wai wamumona naumo wai asa kumumona. Kuli ikeye kukale kasingimiko na nzili ya myaka yoshe! Ewa.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”