Mateo 6:4 - Livulu lya Shukulu Kalunga

⁴ ngecivene, eyi inapu n̄anda ya mu vushweke. Co Ishweni uje ali mwilu muka-kumona vije mukalingi mu vushweke, akamyana cikandelela ceni.

Mateo 6:4 Iomraidhean Croise

Myaso 139:12

oloni nameme lisusulungu kulyapwile vutsiki kuli yove embwe, na vutsiki lalo vwatwa ceke ngwe litangwa, lisusulungu na ceke vyafwa mumolika kuli yove.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 44:21

mwa vushunga ngwe kuwavisholwele ndi? Omwo yove uzivuka viyongola vyakushweka vya mu vimbunge.

Visimo 25:22

Eci cinapu ngwe kulundika manungu a tuhya a mutwe wendi, co Shukulu Kalunga akakwana cikandelela.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Mateo 10:42

Co woshe uje aana nganja ya mema akutonola kuli umo wa ava vavandondo omwo napu muka-kunjikava, mwa vushunga njimileka ngwange, akatambula cikandelela.”

Mateo 6:18

ngeci vanu kesi vamimone ngwavo munalikela kulya, kuvanga Ishweni lika uje kumwasa kumona ikeye azivuka. Co Ishweni, muka-kumona vije vimulinakulinga mu vushweke, akamyana cikandelela ceni.

Mateo 6:3

Oloni omo mwana cuma kuli muka-kujeneka, cilingeni mu vushweke ngeci nameme musamba weni kesi acizivuke,

Mateo 6:6

Oloni yove omo ulombela, ya ku mulili wove, nakushoka ku cikolo, co lombela kuli Isho, uje kuwasa kumona. Co Isho uje muka-kumona vije ukalingi mu vushweke, akakwana cikandelela cove.

Luka 14:14

co ukavezika, omwo vakevo kuvakasa kukwilwisila vije viwunavana. Njambi ikeye akakwilwisilavyo a litangwa livakasanguka vaka-vushunga ku vatsi.”

Luka 8:17

“Cuma coshe cakushweka kuvanga cisholoke, na cuma coshe cakufwika kuvanga vaciwane nakucifukula.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.