Mateo 6:31 - Livulu lya Shukulu Kalunga

³¹ “Ngecivene, kesi mulishoshomwene ngweni, ‘Tukalya vika?’ Nambe ‘Tukanwa vika?’ Nambe ‘Tukazala vika?’

Mateo 6:31 Iomraidhean Croise

2 Mizimbu 25:9

Amaziya wehwile muka-kwimanena ngwendi, “Vationi a siliva ije injinavafwete laja?” Muka-kwimanena wamukumbulwile ngwendi, “Shukulu Kalunga akakwilwisila vyavingi kutuvakana vije!”

Myaso 111:5

Shukulu Kalunga akana vyakulya kuli vaje vamukomoka, co simbu yoshe akanyungu cikumiiyo cendi navo.

Myaso 37:3

Kulaela kuli Shukulu Kalunga, co linga mwamuvwa, kala mu lifuti, co yoya mwamuvwa.

Myaso 55:22

Kundika tuyando twove kuli Shukulu Kalunga, co ikeye akakukwasa, ikeye kakatava muka-vushunga ngeci vamufungulule embwe.

Mateo 15:33

Co vandongisi vendi vamwihwile ngwavo, “Kulijo tuwana vyakulya vyakupwamo vyakulisa mbunga eyi yakama muno mu mambo yangoco?”

Mateo 4:4

Oloni Yesu wamukumbulwile ngwendi, “Visoneka vyendeka ngwavyo, ‘Munu kasa kuyoya na makende lika embwe, oloni kuvanga na majwi oshe a Njambi.’ ”

Mateo 6:25

“Ngecivene, njimileka ngwange, kesi mulishoshomwene akuyoya kweni, ngweni tukalya vika, nambe ngweni tukanwa vika, nambe vya mivila yeni ngweni, tukazala vika. Omwo myonyo yeni ili na seo kutuvakana vyakulya. Co mivila yeni lalo ili na seo kutuvakana vyakuzala.

Mateo 6:27

Co iyajo akati keni nga alishoshomwena ase kuwezelela ku matangwa a ku mwonyo wendi?

Luka 10:41

Mwene wamukumbulwile ngwendi, “Mata, Mata! Ulinakuliyandesa a vipangi vyavingi,

Luka 12:11

“Omo vakamitwala nakumisompa mu masinangonge avo nambe ku mesho a vanguvulu, nambe kuli vaka-kushwana, kesi mushote vimbunge vyeni ngweni tukalyamena vati nambe vatijo tukendeka.

Luka 12:22

Asinoni Yesu wendekele kuli vandongisi vendi ngwendi, “Njimileka ngwange, kesi mulishoshomwene akuyoya kweni, ngweni tukalya vika, nambe vya mivila yeni ngweni, tukazala vika.

Luka 12:29

“Ngecivene, kesi mulishoshomwene ngweni, ‘Tukalya vika?’ Nambe ‘Tukanwa vika’?

Filipu 4:6

Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

1 Petulu 5:7

Akeni vukalu vweni vwoshe ali ikeye, omwo ikeye alinakumilela.