Mateo 6:24 - Livulu lya Shukulu Kalunga

²⁴ “Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Mateo 6:24 Iomraidhean Croise

Kushangumuka 47:17

Ngecivene, vanenele vimuna vavo kuli Yosefa, walandakanene vyakulya na tuvalu twavo, na vimanga, na vimembe, na vingombe, na vimulu. Co a mwaka uje wavanene vyakulya vyakulandakana na vimuna vavo voshe.

1 Vimyene 18:21

Elinja wemanene kulutwe lwavo wendekele ngwendi, “Simbu ikajo mukalyangwila ou imunapande kupangela? Nga Shukulu Kalunga ikeye Njambi, co mulemeseni, oloni nga Mbale ikeye Njambi, co mulemeseni.” Oloni vanu kuvendekele lijwi nalimo lyai.

2 Vimyene 17:41

Ngecivene, vanu vaje valemesele Shukulu Kalunga, oloni valemesele lalo tumponya twavo, co na ku lelo lino vatekulwila vavo anga vacili nakulinga cifwa eci vene.

Ezekiyele 20:39

Co Shukulu Kalunga wa Akamwa ya Vyoshe wendekele ngwendi, “Ololo, yeni voshe vaIsalele, lizivasaneni! Twaleniho nakupangela tumponya tweni! Oloni njiminangula ngwange munima yevi, mukanjononoka nakulikela kushaula lizina lyange lyakujela akwana vwana ku tumponya tweni.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Luka 16:11

Ngecivene, nga kuwapwile wa kulongwa na vufuko vwa ano a kaye, vati vasa kukukulaela na vufuko vwa vushunga?

Luka 16:13

“Kukwesi ngamba asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela vimbongo.”

Luka 16:9

Yesu watwaleleo kwendeka ngwendi, “Njimileka ngwange, kwateni vusamba na vufuko vwa ano a kaye, ngeci omo vukahwa, co vakamitambula mwamuvwa mu limbo lije lya myaka yoshe.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”

1 Samwele 7:3

Samwele wendekele kuli vanu va Isalele ngwendi, “Nga mwiluka kuli Shukulu Kalunga na vimbunge vyeni vyoshe, co munapande kutundisa vinjambi veka na vifwa vya Asitalete njambi wa munakazi. Likundikeni kuli Shukulu Kalunga nakulemesa ikeye lika, co akamyamena ku nzili ya vaFilisitiya.”