Mateo 6:2 - Livulu lya Shukulu Kalunga

² “Ngecivene, omo mwana cuma kuli muka-kujeneka, kesi mulimwese embwe, ngwe muvakalingi vaka-civembulu mu masinangonge na mu vingila, ngeci vanu vavashangazale. Mwa vushunga njimileka ngwange, vanatambula laja cikandelela cavo.

Mateo 6:2 Iomraidhean Croise

Myaso 112:9

Munu ou muka-vushunga aana vyuma vyendi kuli vaje vanajeneka na mbunge yendi yoshe, co ngozi yendi kuyesi kwonwa, oloni akapwa muka-nzili na kasingimiko.

Myaso 37:21

Munu muka-vuvi akakumuna, oloni kesi kwilwisa, oloni munu wamuvwa wakala na ngozi nakwana vwana vwendi.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 20:6

Vanu vavangi vakalitumbula vakevo vavenya kupwa va kulongwa, oloni munu wa vushunga iyajo asa kumuwana?

Muka-kwambulula 11:2

Aka vyove vije ulinavyo mu mitambela yakuliseza-seza, omwo kuuzivuka litangwa lije tuyando tukwizila.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Mateo 15:7

Yeni vaka-civembulu! Isaya muka-kwimanena wambulwile mamuvwa vyeni ngwendi,

Mateo 16:3

Co lalo ku mutondo mukendeka ngweni, ‘Lelo nyonzi ili muyehi nakunyoka, omwo mashelwa anazivuluka.’ Yeni mwasa kuseteka kutonola na ntwima omo mukenga lilu, oloni kumwasa kuzivuka vya visimbu nambe muvinalumbunukila vizivukiso evi.

Mateo 22:18

Oloni Yesu wazivukile laja viyongola vyavo na vutumbe vwavo vwavuvi, co wendekele ngwendi, “Yeni vaka-civembulu! Vikajo mulinakunjesekela?

Mateo 23:5

Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!

Mateo 23:6

Co vakevo vazema myela ya vulemu ku viwano, na vitumbamo vyavivwa mu masinangonge,

Mateo 24:51

Co shukulu yendi akamumbila anja, co akaya ku cihiso amo na vaka-civembulu. Kuje akalila nakulingenjenga ku mayo.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:3

Oloni omo mwana cuma kuli muka-kujeneka, cilingeni mu vushweke ngeci nameme musamba weni kesi acizivuke,

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Mateo 7:5

Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

Mako 12:39

nakwangula vitumbamo vyavivwa mu masinangonge na myela ya vanu va vulemu ku viwano.

Mako 7:6

Co Yesu wavakumbulwile ngwendi, “Yeni vaka-civembulu! Isaya Muka-kwimanena wambulwile mwamuvwa vyeni ngwendi, ‘Njambi ngwendi, vanu ava valinakunjisingimika lika na majwi avo, oloni vimbunge vyavo vili kulyala nange.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Luka 11:43

“Tuyando tweni, vaFaliseo! Omwo muzema kutumbama a vitumbamo vyavivwa mu masinangonge, co muzema vanu kumikandelela na kasingimiko mu mitambela yakulandesela.

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 12:56

Eni vaka-civembulu! Mukenga asi na lilu, co muzivuka vati kufwa litangwa lije, co omwo vika kumwasa kuzivuka muyinanungulukila simbu eyi?

Luka 13:15

Oloni Mwene wamukumbulwile ngwendi, “Eni vaka-civembulu! Kuma munu kesi kuzitula ngombe yendi mu licakana nambe cimulu cendi nakumutwala ku mema a Litangwa Lyakuhwima ndi?

Luka 20:46

“Nyanyameni kuli valongisi va majwi a Lishiko, vaje vazema kwenda na vikoveyo vyavo vyavilaja nakuvakandelela na kasingimiko mu mitambela yakulandesela nakwangula vitumbamo vyavivwa mu masinangonge na myela ya vanu va vulemu ku viwano,

Luka 6:24

“Oloni tuyando tweni yeni munafuku ololo, omwo mwatambula laja kuyoya kwakuvwa!

Luka 6:42

Nambe vatijo wendeka na mukweni ngwove, ‘Mukwetu, tewa njikutundise kacishoni kali a lisho lyove,’ omo yove uli na mukambo mu lisho lyove? Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

Yowano 13:29

Omo Yundasa wapwile muka-kunyunga cipau ca vimbongo, vamo vandongisi vayongwele ngwavo Yesu namuleka ngeci aye nakulanda vije vashakele vya ku ciwano, nambe amo namuleka ngeci aane vyuma vimo kuli vaka-kuutwa.

Yowano 5:41

“Kunjishaka ngeci vanu vanjishangale embwe.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Vilinga vya Miluwa 10:2

Wapwile munalume wa kulongwa, ikeye na naanga yendi yoshe vakomokele Njambi. Wakwasele lalo manene vanu vakuutwa, co simbu yoshe wakele nakulombela kuli Njambi.

Vilinga vya Miluwa 10:31

co wendekele kuli yange ngwendi, ‘Konelyasi! Njambi nazivi kulombelo kwove, co nanuka vipangi vyove vyavivwa.

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Vilinga vya Miluwa 11:29

Ngecivene, vandongisi vayongwele ngwavo umo na umo akati kavo akatume vukwasi ngwe mwanasela mukukwasa vakwavo vaka-kukulaela vaje vakele mu Yundeya.

Vilinga vya Miluwa 24:17

“Omo njatundile ku Yelusalema myaka yaingi, njelukileko kutwala vimbongo kuli vanu vange nakukakombelela vin̄ombelo.

Vilinga vya Miluwa 9:36

Mu Yopa mwakele munakazi umo lizina lyendi Tambita, uje wapwile muka-kukulaela. (Lizina lyendi mu ciNgiliki ikeye Ndokasi, kulumbunuka ngwavo “shonge.”) Simbu yendi yoshe wakele nakulinga vyavivwa nakukwasa tuutu.

Loma 12:8

nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

1 Kolinte 13:3

Nga njana vyoshe vije njilinavyo, co nga njana muvila wange mukuwenyeka, oloni nga kunjesi na cizemo, eci kucinjikwasa embwe.

Ngalatiya 2:10

Vatulombele ngeci twanuke vaka-kujeneka mu mbunga yavo, eci cikeco cuma cakama cinjinashaka kulinga.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

1 Tesalonika 2:6

Kutwashakele ngeci vatushangazale kuli munu umo embwe, nambe kuli yeni nambe kuli veka,

1 Timateo 6:18

Vashike kulinga mwamuvwa, kupwa vaka-kufuka mu vipangi vyavivwa, vapwe vaka-kushemutuka nakulivwaesela kwanako vakwavo veka lalo.

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”