Mateo 6:10 - Livulu lya Shukulu Kalunga

¹⁰ Vumwene vwove vwije, cizango cove vacilinge ano asi, ngwe omwo vakacilingi mwilu.

Mateo 6:10 Iomraidhean Croise

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Myaso 2:6

“Njinaka mwene yange a Siyone, lilundu lyange lyakujela.”

Myaso 40:8

Njambi yange njizema kulinga cizango cove, njikanyunga vilongesa vyove mu mbunge yange.”

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Ndanyele 7:13

Mu cimona cange ku simbu ya vutsiki, njamwene umo wakulifwa ngwe munu. Ikeye wakele nakushwenya kuli yange, co mashelwa amuzengelekele, co waile kuli uje wakala ku myaka yoshe.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 16:28

Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”

Mateo 26:42

Lalo simbu yamucivali waile, co walombelele ngwendi, “Tate, nga nganja eyi ya tuyando kuyasa kunjituvakana kuvanga njiinwe, cizango cove cilingiwe.”

Mateo 3:2

“Tengulukeni ku vivi vyeni, omwo Vumwene vwa mwilu vuli muyehi!”

Mateo 4:17

Kutunda a simbu ije Yesu washangumukile kwambulula ngwendi, “Tengulukeni mu vimbunge vyeni ngeci mutunde ku vuvi, omwo Vumwene vwa mwilu vuli muyehi.”

Mateo 7:21

“Kesi munu woshe anjitumbula ngwendi, ‘Mwene, Mwene’ akakovela mu Vumwene vwa mwilu embwe, oloni kuvanga vaje vakalingi cizango ca Tate wa mwilu.

Mako 11:10

Njambi avezikise vumwene vuje vulinakwija vwa Mwene Ndaviti, tatetu! Shangazaleni Njambi!”

Mako 3:35

Woshe uje alinga cizango ca Njambi ikeye vene napu ndolome yange, na ndokazi yange, na vanana.”

Luka 19:11

Omo vanu vakele nakutolilila ku vyuma evi, Yesu wavatelele cisimo. Ikeye wakele kuyehi na Yelusalema, co vayongwele ngeci Vumwene vwa Njambi ololo vusholoka.

Luka 19:38

ngwavo, “Njambi avezikise mwene ou aija mu lizina lya Shukulu Kalunga! Kwoloka kukale mwilu na vumpau kuli Njambi!”

Luka 22:42

ngwendi, “Tate, nga ushaka, nganja eyi ya kayando itunde kuli yange. Kesi ngwe mwaya cizango cange embwe, oloni cizango cove cilingiwe.”

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Vilinga vya Miluwa 13:22

Co omo wamutundisile, Njambi wapwisile Ndaviti mwene yavo. Eci cikeco cendekele Njambi ali ikeye ngwendi, ‘Njinawana Ndaviti muna Njesi ikeye munalume injazema, uje akalinga vyoshe vije njishaka ngeci avilinge.’

Vilinga vya Miluwa 21:14

Co kutwasele kumusindiiya, twalikelele nakwendeka ngwetu, “Cizango ca Mwene cilingiwe.”

Vilinga vya Miluwa 22:14

Co wendekele ngwendi, ‘Njambi ya vakukulwila vetu nakwangula ngeci uzivuke cizango cendi nakumona Ngamba yendi wa vushunga nakumutolilila omo endeka na lijwi lyendi.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Efeso 6:6

Lingeni eci kesi omo valinakumikengelela, omwo mushaka kuvwaesa ku vimbunge vyavo embwe, oloni na vimbunge vyeni vyoshe lingeni vije vyashaka Njambi, ngwe vindungo va Kilistu.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

1 Tesalonika 4:3

Njambi ashaka ngeci mupwe vakujela nakupatuka ku vupangala.

1 Tesalonika 5:18

kandeleleni mu visimbu vyoshe. Eci cikeco cashaka Njambi mukuyoya kweni muli Kilistu Yesu.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 10:7

Asinoni njendekele ngwange, ‘Yange uno njilinge cizango cove, Yove Njambi, ngwe muvasoneka vene ali yange mu livulu lya Lishiko.’ ”

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

1 Petulu 2:15

Omwo Njambi ashaka ngeci muvindike nzimba ya vanu vakweva a vyuma vyavivwa vije mulinakulinga.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 12:10

Asinoni njazivile lijwi lyakama lyendekele mwilu ngwalyo, “Ololo kwamena kwa Njambi kunaija! Ololo Njambi namwesa nzili yendi akupwa Mwene! Ololo Wakuvwavesa wendi namwesa moko yendi! Omwo uje wemanene ku mesho a Njambi yetu nakwana milonga vutsiki na mutanya kuli vaka-kukulaela vanamumbila asi kutunda mwilu.

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.