Mateo 5:9 - Livulu lya Shukulu Kalunga

⁹ “Vanavezika vaje vaka-kwolwesa n̄ole, omwo vakavatumbula vana va Njambi!

Mateo 5:9 Iomraidhean Croise

1 Mizimbu 12:17

Co Ndaviti waile kuli vakevo wendekele navo ngwendi, “Nga munaija kupwa vasamba mukunjikwasa, co njamitambula mwamuvwa, lipandakaneni netu! Oloni nga munaija nakunjenda vungungu kuli vitozi vange ni, nameme yange kunjamivulumwine, Njambi ya vakukulwila vetu akacizivuka, co akamihisa.”

Myaso 120:6

Njinakala simbu yakama akati ka vanu vaje vazinda kwoloka.

Myaso 34:12

Munu iyajo uje ashaka mwonyo? Munu uje ashaka kuyoya matangwa amangi ngeci amone vyavivwa?

Mateo 5:45

ngeci mupwe vana va Ishweni ali mwilu. Omwo ikeye akatuwisila litangwa lyendi a vanu vavavi na ali vanu vavavwa, co akanyokesa nyonzi ali vaka-vushunga na ali vaka-vuvi.

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Luka 20:36

Vakevo vakafwa ngwe tungelo kuvakasa lalo kutsa. Vakevo vanapu vana va Njambi, omwo vanasanguka ku vatsi.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Vilinga vya Miluwa 7:26

Co alikaki wamwene vaIsalele vavali valinakulwa, co wavakandele wendekele kuli vakevo ngwendi, ‘Eni vanalume tolilileni, yeni muvushoko vweni, omwo vika mulinakulilwisila?’

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

Loma 8:14

Omwo voshe vaje Munzinzime wa Njambi alinakuvatwamenena vanapu vana va Njambi.

Loma 8:16

Munzinzime wa Njambi unalitombola na munzinzime wetu mukusholola ngeci tunapu vana va Njambi.

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

1 Kolinte 6:6

Oloni akati keni umo muka-Yesu aya ku mbanja nakusompesa mukwavo, co ecela vaka-kujeneka kukulaela vasompe ije n̄anda!

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

2 Kolinte 5:20

Ngecivene, omo tuli ano, tulinakwendeka vya Kilistu, ngwe ikeye vavenya Njambi alinakumilanya ali yetu. Tulinakumilambelela ali Kilistu ngwetu, lyambeni na Njambi!

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Filipu 4:2

Yondiya na Sintike, vakwetu, njilinakumilomba ngwange esekeni kulizivasana ngwe vandokazi muli Mwene.

Kolose 3:13

Pweni vaka-kulimanena umo na mukwavo, co lisambeseni umo na mukwavo nga umo weni alinakulinyenga ali mukwavo. Munapande kulisambesa umo na mukwavo ngwe mwanamisambesa Mwene.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.