Mateo 5:37 - Livulu lya Shukulu Kalunga

³⁷ Kwendeka kweni kupwe ‘Eyo’ nambe ‘Embwe’ omwo vyoshe vyeka muwezelelako vitunda kuli Liyavola.

Mateo 5:37 Iomraidhean Croise

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Mateo 13:38

Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi,

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Mateo 5:36

Co lalo kesi ukalisinge na mutwe wove, omwo kuwasa kutokesa nambe kuzivalesa cin̄ambu cove cimo.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Yowano 17:15

Kunjikulombo ngeci uvatundise ano a kaye embwe, oloni njikulomba ngwange uvanyunge kuli Citozi.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 6:16

Simbu yoshe ambateni kukulaela ngwe ntelo, omwo na ikeyo mwase kuzima mikili ya tuhya ya Uje Muka-vuvi.

Kolose 3:9

Kesi mwendeke makuli ku umo na mukwavo, omwo yeni munashulula kuyoya kwa vunu vwalaja amo na vilinga vyavwo,

Kolose 4:6

Endekesi yeni simbu yoshe inapande kupwa yaivwa ya mbwase nakuvwaelelesa, co zivukeni vati mu munapande kukumbulwila mwamuvwa kuli vanu voshe.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

Yakomba 5:12

Oloni a vyoshe evi, vasamba vange, kesi mulisinge omo mulinga cikumiiyo. Kesi mulisinge na lilu nameme na asi nameme na cuma coshe-icoshe. Oloni, “Eyo yeni ipwe eyo omwo munatava,” nambe “Embwe embwe yeni ipwe embwe omo munavyana,” nga ngoco, co vaka-nyanyamesa kuli Njambi.

1 Yowano 2:13

Njilinakumisonekela yeni vatate, omwo munamuzivuka uje wakeleko tunde ku san̄ulu. Njilinakumisonekela yeni vakwenje, omwo munamuhyana Uje Liyavola.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

1 Yowano 5:18

Twazivuka ngwetu kukwesi vana va Njambi eshwala kulinga vuvi, omwo Muna Njambi alinakuvanyunga mwamuvwa, co Uje Liyavola kasa kuvavulumuna.