Mateo 5:35 - Livulu lya Shukulu Kalunga

³⁵ nambe kulisinga na asi, omwo apwa avulyatelo vwendi, nambe na Yelusalema, omwo ikeyo yapwa nganda ya Mwene wakama.

Mateo 5:35 Iomraidhean Croise

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Myaso 48:2

Siyone munkinda wa Njambi, ukewo uli kulyala ku kunto, co lalo wauvwa, nganda ya mwene wakama inena kujolela mu kaye mwoshe!

Myaso 87:2

Shukulu Kalunga wazema nganda ya Yelusalema, kutuvakana mitambela yoshe ya mu Isalele.

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Malakiya 1:14

Cisingo cikale ali muka-makuli uje akombelela cimuna uje kesi na seo kuli yange, omo ali na cimuna wamuvwa mu vutanga vwendi uje yanalisingile kunjanaye! Omwo yange njapwa nji mwene wakama, co vanu vaka-mafuti oshe vanjikomoka.”

Mateo 5:36

Co lalo kesi ukalisinge na mutwe wove, omwo kuwasa kutokesa nambe kuzivalesa cin̄ambu cove cimo.

Vilinga vya Miluwa 7:49

‘Shukulu Kalunga alinakwendeka ngwendi, lilu lyapwa litanda lyange, co ano asi apwa vulyatelo vwange. Njuvo ya muyati ukajo mwasa kunjitungila? Mutambela wa muyati ukajo munjikala yange?

Kujombolola 21:10

Co njakele mu Munzinzime, co kangelo wanjitwalele ku shongo ya munkinda waulaja. Co wanjimwesele Yelusalema, Nganda Yakujela, ije yatundile mwilu kuli Njambi,

Kujombolola 21:2

Co njamwene Nganda Yakujela, Yelusalema yaiha, ilinakwija kutunda mwilu kuli Njambi, ije inalivwaesela cimweja ngwe shombolwa omwo eta kuli munalume wendi.