Mateo 5:33 - Livulu lya Shukulu Kalunga

³³ “Mwaziva lalo muje valekele vakukulwila vetu ku san̄ulu ngwavo, ‘Kesi upokole cikulaeso cove, oloni linga vije viwalisingile ku mesho a Shukulu Kalunga.’

Mateo 5:33 Iomraidhean Croise

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Myaso 76:11

Aneni Shukulu Kalunga Njambi yeni vije mwamukulaesele, yeni voshe miyati ya muyehi muneneleni vwana. Njambi ikeye imunapande kukomoka.

Kutuuka 20:7

“Kesi mukapangese lizina lyange mwamuvi, omwo yange Kalunga Njambi yeni, njikahisa voshe vaje vakapangesa lizina lyange mwamuvi.

VaLevi 19:12

Kesi mukalisinge vya makuli nakushawisa lizina lya Njambi yeni. Yange njapwa Kalunga Njambi yeni.

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Mateo 5:21

“Mwaziva laja muvalekele vakukulwila vetu ku san̄ulu ngwavo, ‘Kesi mukatsiye, co woshe atsiya mukwavo vakamusompesa.’

Mateo 5:27

“Mwaziva laja muje vendekele ngwavo, ‘Kesi mulinge vupangala.’

Kwituluka mu Mashiko 23:21

“Omo mukalisinga cisingo kuli Shukulu Kalunga Njambi yeni, kesi mukeshwale kulinga vije mwakulaesele, omwo Shukulu Kalunga Njambi yeni ashaka yeni mushulise cisingo ceni. Kujeneka kushulisa cisingo kunapu vuvi.

Kwituluka mu Mashiko 23:23

Ngecivene, cuma coshe cije mukendeka na tunwa tweni mukanyanyame nakucilinga ngwe omo munalisingi kuli Shukulu Kalunga Njambi yeni, omwo mwalisingile na cizango.

Kwituluka mu Mashiko 5:11

“ ‘Kesi mukapangese lizina lyange mwamuvi, omwo yange Kalunga Njambi yeni njikahisa voshe vaje vakapangesa lizina lyange mwamuvi.

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.