Mateo 5:3 - Livulu lya Shukulu Kalunga

³ “Vanavezika vaka-kuutwa mu munzinzime, omwo Vumwene vwa mwilu vunapu vwavo!

Mateo 5:3 Iomraidhean Croise

2 Mizimbu 33:12

Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 33:23

Oloni ikeye kalikeesele ku mesho a Shukulu Kalunga, ngwe mwalikeesele ishe Manase, oloni ikeye wahyanene kulinga vuvi kutuvakana vuje vwalingile ishe.

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

2 Mizimbu 7:14

nga vanu vange vaje vanaliluku lizina lyange vakalikeesa, nakulombela, nakushakezeka cizango cange nakutenguluka ku vingila vyavo vya vuvi, co njikavaziva oku njili mwilu, njikavasambesa ku vuvi vyavo, co lifuti lyavo likakala mwamuvwa.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 1:1

Navezika munu uje avyana kunangula kwa vaka-vuvi, munu uje kesi kutembunwina vingila vya vaka-vuvi, nambe kukala mu munga ya vaka-kuyeluwisa Njambi.

Myaso 112:1

Shangazaleni Shukulu Kalunga! Navezika munu uje akomoka Shukulu Kalunga, munu uje avwaelela nakwononoka mashiko endi.

Myaso 128:1

Navezika munu uje ononoka Shukulu Kalunga, munu uje anyunga mashiko a Shukulu Kalunga.

Myaso 146:5

Navezika munu uje ali na Njambi ya Yakomba ngeci amukwase, munu uje cinyangavili cendi cili muli Shukulu Kalunga Njambi yendi,

Myaso 2:12

tsembeni myanja yendi, kutewa aluvala ngeci munyonge vwasi-vwasi, omwo vukalu vwendi vushwama vwasi. Vavezika voshe vaje vatewela muli ikeye.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 41:1

Navezika munu uje ayongola ali vaka-kuzeya, Shukulu Kalunga akamukwasa a litangwa lya tuyando.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Myaso 84:12

Yove Shukulu Kalunga Muka-nzili yoshe, vavezika vanu vaje vakulaela kuli yove!

Visimo 16:19

Mwamuvwa kulikeesa nakupwa u kautu, kutuvakana kulyalesa, nakupwa ufuki, nakwambata vyuma vyakupukula.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Visimo 8:32

“Co ololo yeni vakwenje, tolilileni kuli yange. Lingeni ngwe muje njendeka, co mukavwaelela.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 11:6

Co vanavezika vaje kuvesi na vimata ali yange!”

Mateo 13:16

“Ngeci mweni, mwavezika manene! Omwo mesho eni alinakumona, co matwi eni alinakuziva.

Mateo 19:14

Oloni Yesu wendekele navo ngwendi, “Eceleni vanike vavandondo vaije kuli yange, co kesi muvavindike, omwo Vumwene vwa mwilu vunapu vwavo.”

Mateo 24:46

Navezika ngamba uje, omo shukulu yendi akaija, co akumuwana alinakulinga ngeci.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 3:2

“Tengulukeni ku vivi vyeni, omwo Vumwene vwa mwilu vuli muyehi!”

Mateo 8:11

Njimileka ngwange vavangi vakaija, vakatunda mu ngangela na mu kangombe ka yambi, co vakatumbama ku mesa amo na Avilahama, na Isake, na Yakomba, mu Vumwene vwa mwilu.

Mako 10:14

Oloni omo Yesu wacimwene, waluvalele wendekele kuli vandongisi vendi ngwendi, “Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo.

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Luka 22:29

ngwe mwananjana Tate moko yakushwana, neni lalo njikamyana moko yakushwana.

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 20:29

Yesu wendekele kuli ikeye ngwendi, “Unakulaela omwo unanjimono ndi? Vanavezika vaje vanakulaela nambe kuvanjimwene!”

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

Yakomba 1:10

co vaka-Yesu vaje vanafuku vanapande kuvwaelela omo Njambi avakeesa. Omwo vaka-kufuka vakapekumuka ngwe vishani vya muti.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”

Kujombolola 22:14

Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda.

Kujombolola 3:17

Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.