Mateo 5:28 - Livulu lya Shukulu Kalunga

²⁸ Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Mateo 5:28 Iomraidhean Croise

Kushangumuka 34:2

Shekeme muna Hamole kaHivi, wapwile muna mwene wa lifuti lije, omo wamumwene, co wamuwisile.

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Yombi 31:9

“Nga njashungwiiye munakazi wa mukwetu, nambe kumuvandamena ku cikolo,

Myaso 119:96

Njinamono ngeci vyuma vyoshe vili naa avyahwila, oloni mashiko ove kuwesi naa awahwila.

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Visimo 6:25

Kesi utave munakazi wa cifwa cangacije akukokweye na vuvwa vwendi, nambe na mesho endi embwe.

Ezekiyele 23:16

Omo wavamwene, co wavazemene, watumine tunganda ku Mbambilone ngeci vakavashake.

VaLevi 18:20

Kesi ukalale na munakazi wa mukweni omwo eci cikamijwalesa.

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mateo 5:39

Oloni yange njimileka ngwange, kesi ulinge shambandinga kuli munu uje akulinga mwamuvi. Oloni nga munu akupupa ku nana yove ya ku cilyo, mutengulwile lalo ku nana ya ku cimoshwe.

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

Kwituluka mu Mashiko 22:22

“Nga munalume vanamukwata na munakazi wa mukwavo, co muvuvali vwavo vakavatsiye. Mu ngila eyi mukatundisa vuvi ovu mu Isalele.

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!

1 Yowano 2:16

Omwo vyuma vyoshe vije vyakundama ku kaye, vije vishungwiya mashungu amavi a vunu, vije vanu vamona nakuvishungwiya na vyuma vyoshe vya muno mu kaye vije vanu vali na kulyalesa navyo, nacimo cai ali evi catunda kuli Tate, vyoshe evi vyatunda mu kaye.